Qabları yumağı xahiş edən arvadını bıçaqladı
24.01.2018 - 11:19
Livanın cənubundakı Macdal kəndinin Səlim adlı sakini həyat yoldaşına xəsarətlər yetirməkdə şübhəli bilinərək həbs edilib.Moderator.az bu haqda İsrail mediasına istinadla xəbər verir. Cinayət işinin materiallarına görə, kişi arvadını ondan qabları yumağı xahiş etdiyinə görə bıçaqlayıb.
İşdən dönən qadın mətbəxin çirkli qablarla dolu olduğunu görüb və ərindən onları yumağı xahiş edib. Qadın deyir ki, daha öncə həyat yoldaşı özü ona ev işlərində kömək təklif etmişdi. Əks təqdirdə o, ərindən belə bir xahiş etməzdi. “Mən, uzaqbaşı, gözləyirdim ki, Səlim məni əli ilə vuracaq, yaxud boğmağa çalışacaq. Ancaq o, bıçağı götürüb bədənimə batırdı”- deyə yüngül yaralar almış livanlı xanım bildirib.
Arvadını bıçaqlayan kişi daha sonra onu xəstəxanaya çatdırıb. Zərərçəkənin yaxınlarının sözlərinə görə, Səlim tez-tez arvadına və uşaqlarına qarşı aqressivlik nümayiş etdirir. “O, bir dəfə həyat yoldaşının qolunu sındırıb, onu küçə boyu qovalayıb. Başqa bir dəfə isə yolun ortasında qızını avtomobilindən atmışdı”- deyə qohumlar bildirib.
Short URL: http://www.cumhuriyyet.net/?p=110891
