Tanınmış jurnalistin evini yardılar: “Anamın əməliyyatı üçün qəpik-qəpik yığdığım pulları aparıblar” – FOTO
Tanınmış jurnalist Ağanisə Sultanovanın evi qarət olunub.
AzNews.az xəbər verir ki, hadisə yanvarın 30-da axşam saatlarında baş verib. Jurnalistin bildirdiyinə görə, oğrular evdən ona məxsus pul və qızıl əşyalarını oğurlayıb:
“Bu gün saat 8-ə işləyəndə evə gəldim. Qapının tutacağı, qıfılı sındırılmışdı. Amma bağlı idi. Polislər gələndən sonra qapı açıldı. Evin altı üstünə çevrilmişdi. Divar, dolabın üstü qan idi. Qızıl, zinət əşyası taxmağı sevmədiyim üçün hər şey siyirmədə idi. Məni ən çox ağrıdan anamın göz əməliyyatı üçün qəpik-qəpik yığdığım pul və atamın Həcc ziyarətindən mənə gətirdiyi boyunbağının oğurlanmasıdır. Məni bütün maddi ziyanlardan çox hər dəfə aldığım mənəvi zərbələr ağrıdır”.
Jurnalistin sözlərinə görə, məsələ ilə bağlı hüquq-mühafizə orqanları araşdırmaya başlayıb.
Short URL: http://www.cumhuriyyet.net/?p=111492
