Bakı Beynəlxalq Avtovağzalında NARAZILIQ
Lənkəran-Astara istiqamətində işləyən avtobusların fəaliyyəti narazılıq doğurub. Bölgələrə gedən avtobusların fəaliyyəti ilə bağlı narazılıqlar ara-sıra gündəmə gəlir.
Cebhe.info-nun xəbərinə görə, bu günlərdə Lənkəran-Astara istiqamətində işləyən avtobuslarla bağlı ciddi problem yaranıb. Sərnişinlər bu istiqamət üzrə hərəkət edən avtobusları 3-4 saat gözlədiklərini bildirirlər.
Onların avtobusların bu cür fəaliyyəti ilə bağlı suallarını isə cavablandıran olmayıb. Avtobusların qeyri-intensivliyinə görə Avtovağzalda sıxlıq yaşanıb. Relsə buraxılan avtobuslarda da sıxlıq olub.
Sərnişinlər həmçinin bilet satışından şikayətlənirlər. Bildirildiyinə görə, bilet istəyənlərə, biletlərin satıldığı deyilib.
Qeyd edək ki, Lənkəran Astara marşurutları istiqaməti üzrə fəaliyyət göstərən avtobusların vəziyyəti də müzakirə olunur. Qeyd olunur ki, bəzi relslər üzrə kamfortlu avtobuslar xəttə buraxılsa da, əksəriyyətində köhnə və bərbad vəziyyətdə olanlar fəaliyyət göstərir.
Qeyd edək ki, Bakı Beynəlxalq Avtovağzalının mətbuat xidməti ilə əlaqə salamaq cəhdlərimiz baş tutmayıb.
Short URL: http://www.cumhuriyyet.net/?p=117668
