“Qarabağ” Azərbaycan Premyer Liqasında 2064 gündən sonra böyük hesabla uduzub
Futbol üzrə Azərbaycan Premyer Liqasının XXVII turu son 5 mövsümün çempionu “Qarabağ”ın böyükhesablı məğlubiyyəti ilə yadda qalıb.
“Report”un Peşəkar Futbol Liqasının rəsmi saytına istinadən verdiyi məlumata görə, səfərdə “Keşlə”yə 0:3 hesabı ilə uduzan Qurban Qurbanovun komandası son 5 mövsümdə ilk dəfə belə acınacaqlı məğlubiyyət alıb.
Ağdam təmsilçisinin sonuncu böyükhesablı məğlubiyyəti 2012/2013 mövsümünə təsadüf edib. “Qarabağ” 2012-ci il sentyabrın 16-da səfərdə AZAL-a 2:6 hesabı ilə yenilib. Ağdamlılar 2064 gündən sonra 3 və ya daha çox top fərqilə uduzub.
Short URL: http://www.cumhuriyyet.net/?p=118800