Messinin penaltisini qaytaran qapıçı “Qarabağ”da – VİDEO
“Qarabağ” super transfer həyata keçirib. Oxu.Az-ın əldə etdiyi xəbərə görə, italyan, şotland və braziliyalı qapıçıların keçidini həll edə bilməyən “Qarabağ” hazırda Rusiyada davam edən dünya çempionatının iştirakçısını transfer edib.
Söhbət İslandiya millisinin qapıçısı, dünya çempionatında Argentina millisinin kapitanı Lionel Messinin penaltisini qaytaran Hanes Tour Haldoursondan gedir. Ölkəsində sənədli film və kliplərin rejissoru olan 34 yaşlı qolkiper İslandiya millisinin son Avropa çempionatında 1/4 finala kimi irəliləməsində böyük pay sahibi olub.
Qeyd edək ki, Ağdam klubu qapıçılarından bosniyalı İbrahim Şehiç və ukraynalı Anton Kanibolotski ilə yollarını ayırıb.
Short URL: http://www.cumhuriyyet.net/?p=121071