Bacısından Şəhriyara dəstək: Onların hamısının sponsoru var…

27.08.2018 - 18:53

“Şəhriyarın iştirak etdiyi yarışlarda olan tanınmış şahmatçıların hamısının sponsoru var. O isə mütəmadi olaraq hər bir yarışda iştirak edir ki, dolanışığını təmin etsin”.

Cumhuriyyet.net xəbər verir ki, bunu azvision.az-a qrossmeyster Şəhriyar Məmmədyarovun bacısı, Azərbaycanın tanınmış şahmatçısı Zeynəb Məmmədyarova deyib.

Xanım şahmatçı bildirib ki, dövlət rəsmi yarışların hamısının ödənişini edir. “İl ərzində 1 və ya 2 yarış ola bilər. Amma Şəhriyar il ərzində bir çox yarışlarda iştirak edir. Bunlar dünya elitasına aid olanlardır. Nazirlik hesabına olan yarışlar olmadığı üçün ödəniş edilmir. Nazirlik yalnız rəsmi yarışlara ödəniş edir. Avropa, Dünya Çempionatı kimi yarışlara pul ayrılır. Burada isə söhbət sırf sponsor məsələsindən gedir. Hazırda ABŞ-da iştirak etdiyi yarışda olan şahmatçılara diqqət etsəniz, hamısı reklam loqosu olan geyimlərdədir. Onlar öz sponsorlarını reklam edirlər. Şəhriyarın isə belə bir sponsoru yoxdur. Orada dünyanın tanınmış şahmatçıları var və hamısının sponsoru var. Bir Şəhriyarda yoxdur. Əlbəttə, bu, dövlətdən asılı olan məsələ deyil. Özəl şirkətlər, firmalar olmalıdır”.

Qeyd edək ki, hazırda ABŞ-da Sinkfild Kuboku çərçivəsində keçirilən turnirdə iştirak edən Ş.Məmmədyarov sosial şəbəkə hesabında sponsorunun olmamasından şikayətlənib.

Short URL: http://www.cumhuriyyet.net/?p=121952

XƏBƏR LENTİ

virtual_roadi

30.08.2024Uğurun memarı
Рейтинг@Mail.ru

Telefon:077 333 90 09
E-mail:cumhuriyyetqezeti@gmail.com;
Sayt "Yeni Cumhuriyyət" qəzetinin rəsmi internet saytıdır.
Saytın yazılarından istifadə olunan zaman istinad və yazının linkinin göstərilməsi zəruridir
Hazırladı - "QURDQANLI" DSGN

en son xeberler

Fevral 2025
BE ÇA Ç CA C Ş B
 12
3456789
10111213141516
17181920212223
2425262728