Avropa Liqası: “Qarabağ”ın heyətinin qəribə tərkibi
Azərbaycanı Avropa Liqasında təmsil edəcək Ağdamın “Qarabağ” klubunun turnir üçün sifariş ərizəsi müəyyənləşib.
Virtualaz.org-un məlumatına görə, son Azərbaycan çempionu sifariş ərizəsinə 26 oyunçunun adını salıb:
Qapıçılar-Hannes Tur Halldorsson, Şahruddin Məhəmmədəliyev, Vaqner Da Silva, Nicat Mehbalıyev, Məmməd Hüseynov
Müdafiəçilər-Qara Qarayev, Rahil Məmmədov,Maksim Medvedev, Mahir Mədətov, Rəşad Sadıqov, Ansi Aqolli, Abbas Hüseynov, Yakub Jezniçak, Bədavi Hüseynov
Yarımmüdafiəçilər-Simeon Slavçev, Miçel, Araz Abdullayev, Dani Kintana, Abdullah Zubir, İsmayıl İbrahimli, Filip Ozobiç, Zaur Fərzəliyev, Con Delarj, Donald Gerrye, Coşqun Diniyev
Hücumçu- İnnosent Emeqara.
Qəribədir ki, siyahıda Mahir Mədətov müdafiəçi, Con Delarj yarımmüdafiəçi kimi göstərilib. Yeganə hücumçu isə İnnosent Emeqaradır.
Ehtimal ki, yaxın vaxtlarda qeyri-dəqiqliklər düzəldiləcək və futbolçuların ampluası düzgün göstəriləcək.
Xatırladaq ki, E qrupunda yer alan “Qarabağ” İngiltərənin “Arsenal”, Portuqaliyanın “Sportinq” və Ukraynanın “Vorskla” komandaları ilə üz-üzə gələcək.
Qurban Qurbanovun yetirmələri ilk oyunu sentyabrın 20-də səfərdə Portuqaliya təmsilçisinə qarşı keçirəcək.
Short URL: http://www.cumhuriyyet.net/?p=122335
