Azərbaycan yığması UEFA Millətlər Liqasındakı ilk oyununda heç-heçə edib-VİDEO

08.09.2018 - 11:28

Futbol üzrə Azərbaycan yığması UEFA Millətlər Liqasında ilk oyununu keçirib.

“Report” xəbər verir ki, “D” Liqasının 3-cü qrup matçında rəqib Kosovo millisi olub.

Bakı Olimpiya Stadionunda təşkil olunmuş qarşılaşmada qalib müəyyənləşməyib – 0:0.

Matçın sakit keçən ilk yarısı ilə müqayisədə ikinci hissə daha maraqlı alınıb. Buna əvəzləmələrin də təsiri olub.

61-ci dəqiqədə Ruslan Qurbanov Təmkin Xəlilzadəyə, 66-cı dəqiqədə Emin Mahmudov Dmitri Nazarova, 74-cü dəqiqədə Ramil Şeydayev Rauf Əliyevə yerini verib. 69-cu dəqiqədə isə Azərbaycan millisinin hücumu zamanı top cərimə meydançası daxilində rəqib müdafiəçinin əlinə dəysə də, referi penalti təyin etməyib.

Bir neçə epizodda isə təhlükəli hücumları qolla tamamlamaq mümkün olmayıb.

Beləliklə, Azərbaycan millisi Qurban Qurbanovun rəhbərliyi altında ilk rəsmi matçından qolsuz bərabərliklə ayrılıb. Qurbanovun yanvarın 30-da Moldova ilə yoldaşlıq görüşünə təsadüf edən ilk sınaq matçında da eyni hesab qeydə alınmışdı – 0:0.

Short URL: http://www.cumhuriyyet.net/?p=122441

XƏBƏR LENTİ

virtual_roadi

30.08.2024Uğurun memarı
Рейтинг@Mail.ru

Telefon:077 333 90 09
E-mail:cumhuriyyetqezeti@gmail.com;
Sayt "Yeni Cumhuriyyət" qəzetinin rəsmi internet saytıdır.
Saytın yazılarından istifadə olunan zaman istinad və yazının linkinin göstərilməsi zəruridir
Hazırladı - "QURDQANLI" DSGN

en son xeberler

Fevral 2025
BE ÇA Ç CA C Ş B
 12
3456789
10111213141516
17181920212223
2425262728