Taekvandoçularımız vətənə qızılla döndü – Foto
17-18 noyabr tarixlərində Ukraynanın Kiyev şəhərində keçirilən “Open Kiev” adlı beynəlxalq taekvando müsabiqəsində 7 ölkədən olan 800 idmançı arasında Azərbaycan taekvandoçularının hamısı vətənə medalla dönüb.
Cumhuriyyet.net xəbər verir ki, Ukrayna, Belarusiya, Moldova, Gürcüstan, Ruminya və Latviyanın iştirak etdiyi müsabiqədə Azərbaycanın “Grandmaster” və “Abşeron” taekvando idman klubları iştrak edib. Azərbaycanı təmsil edən “GrandMaster” taekvando klubunun idmançıları Fatimə İsmayılzadə, Nigar Abdullayeva və Xədicə İsmayılova hər üçü 1-ci yerin qalibi olublar.
Digər yerli iştirakçı klub “Abşeron” – un döyüşçüləri Səadət Abasova 1-ci yer, Əliağa Abasov 2-ci yer, Mədinə Səfərova isə 3-cü yeri qazanıblar.
“Grandmaster” taekvando idman klubunun rəhbəri Cavanşir Mirzayev açıqlamasında – “Bu uğurlarımız bayraq gününə təsadüf etdi, bu uğurlarımızla vətənimizi təbrik etdik” bildirib. Ümumilikdə Azərbaycan klubları 4 qızıl medal qazanıb.
Vüqar Ağamalıoğlu
Short URL: http://www.cumhuriyyet.net/?p=124783