“Arsenal” və “Çelsi” klublarının hər birinə əlavə 10 min bilet veriləcək

18.05.2019 - 01:28

AFFA-nın baş katibi Elxan Məmmədov son günlər müzakirə mövzusuna çevrilmiş və “Arsenal”ın narazılığına səbəb olmuş bilet limitinin hər komanda üçün 10 min ədəd artırılacağını bildirib. Bu barədə Britaniyanın Daily Mail nəşrinə müsahibə verən Elxan Məmmədov qeyd edib ki, Avropa Liqasının finalçılarının hər birinə əlavə 10 min bilet ayrılacaq. Xəbər verdiyimiz kimi UEFA “Arsenal” azarkeşlərinə 6 min bilet ayırdığı üçün bu komandanın narazılığına səbəb olub.
O bildirib ki, hər iki klub öz azarkeşləri üçün əlavə çarter reysləri təşkil edə bilər. Elxan Məmmədov komandaların azarkeşlərini ticketing@baku2019.az və asif.aliyev@baku2019.az. elektron ünvanlarından bilet almağa dəvət edib. “UEFA-nın qərarı belədir ki, əgər klub çarter reysi və biletlərin sayı barədə ətraflı məlumat verirsə, UEFA bunu təmin edir.UEFA meydanda boş yer qalmasın deyə lazım olandan artıq bilet vermir. Bu barədə klublara məlumat verilib. Mənə qəribə gəlir ki, çarter reysləri hələ də təşkil edilməyib. Biz 4000 kilometr uzaqda yerləşirik. Çarter reyslərinin təşkili daha məqsəduyğundur. UEFA klublarla əlaqə saxlayır və biletlə təmin edir. Bəli biz reyslər təşkil edə bilərdik, lakin finalçılar mayın 9-da məlum oldu. Bu qısa bir zamandır. Adətən belə hallarda klublar özləri turagentlərlə işləyirlər. Bu dəfə London klubları bunu etməyiblər”.
Elxan Məmmədov bildirib ki, cümə gününə olan məlumata görə, dünya üzrə 25 min bilet satılıb, daha 10 min bilet Bakıda offlayn rejimdə satılıb: “Futbol artıq Avropa ölkələrinin sərhədlərini aşır. Aparıcı futbol ölkələri həmişə futbolun sərhədlərini genişləndirməyə çalışırlar.Bu yeni imkanlar deməkdir.Azərbaycan futbol üşün ən yeni imkanlardan biridir. Biz və qonşu ölkələr bu kimi tədbirlərə ev sahibliyi etməyə hazırıq və buna haqqımız var. Bu gün biz futbol dünyasına töhfə verməyə qadirik. Hər bu kimi tədbir dünyaya yalnız pozitiv bəxş edə bilər”./Oxu.az/

https://i0.wp.com/www.cumhuriyyet.net/wp-content/plugins/sociofluid/images/google_16.png?w=500 https://i1.wp.com/www.cumhuriyyet.net/wp-content/plugins/sociofluid/images/facebook_16.png?w=500 https://i2.wp.com/www.cumhuriyyet.net/wp-content/plugins/sociofluid/images/yahoobuzz_16.png?w=500 https://i2.wp.com/www.cumhuriyyet.net/wp-content/plugins/sociofluid/images/twitter_16.png?w=500

Short URL: http://www.cumhuriyyet.net/?p=128332

XƏBƏR LENTİ

virtual_roadi

Рейтинг@Mail.ru

Baş redaktor: Nəsimi Şərəfxanlı
Telefon:077 333 90 09
E-mail:cumhuriyyetqezeti@gmail.com;
Sayt "Yeni Cumhuriyyət" qəzetinin rəsmi internet saytıdır.
Saytın yazılarından istifadə olunan zaman istinad və yazının linkinin göstərilməsi zəruridir
Hazırladı - "QURDQANLI" DSGN
İyun 2019
BE ÇA Ç CA C Ş B
« May    
 12
3456789
10111213141516
17181920212223
24252627282930