Qəza 850 abonenti qazsız qoydu
17.09.2019 - 10:07
Gecə saatlarında Nizami rayonu N.Abdullayev küçəsində dairəvi formada qoşulmuş diametri 159 mm olan qaz xətti avtomobil qəzası zamanı qırılıb.
Bu barədə “Cümhuriyyət”ə “Azəriqaz” İB-nin mətbuat xidmətindən məlumat verilib. Bildirilib ki, hadisəyə görə 500 abonentin qaz təminatı dayandırılıb.
Səhər saatlarından qazın verilişi üçün bərpa işləri sürətləndirilib.
Bundan başqa bu gün səhər saatlarında Xəzər rayonu, “Binə Sovxozu” deyilən yaşayış massivində Kamaz markalı yük avtomobili ilə 108 mm diametrində olan qaz xətti yararsız hala salınıb. Kəmər dayaqlardan qopardılaraq yerə salınıb. Hazırda baş verənlərə görə 350 abonentin qaz təminatı dayandırılıb.
Short URL: http://www.cumhuriyyet.net/?p=133142
