Bu yerlərdə qaz olmayacaq – DİQQƏT
27.09.2019 - 11:02
Bu gün bəzi ərazilərdə qaz təchizatı dayandırılıb.Bu barədə “Cümhuriyyət”ə “Azəriqaz” İB-nin mətbuat xidmətindən məlumat verilib. Bildirilib ki, sentyabrın 27-də səhər saat 09:00-dan etibarən işlər başa çatanadək yeni çəkilmiş qaz xətlərinin mənbəyə birləşdirilməsi ilə əlaqədar Gəncə şəhərinin bir hissəsində qaz təchizatı dayandırılıb.
Saat 09:30-dan etibarən isə aşkar olunmuş qaz sızmalarının ləğvi və digər təmir-bərpa işlərinin aparılması ilə bağlı Ağstafa rayonunun mərkəzi və bir neçə yaşayış məntəqəsində qaz fasilələrlə veriləcək.
Saat 12:00-dan isə Nizami rayonu, Qara Qarayev, E.Süleymanov, B.Nuriyev, Naxçıvanski, Rüstəmov, A.Manafov, Nəvai küçələrində qaz təchizatı dayandırılacaq. Bu zaman “8-ci km Əsas” orta təzyiqli qaz xəttində bir sıra mövsümi işlər görüləcək.
Short URL: http://www.cumhuriyyet.net/?p=133675
