Daha iki istiqamət üzrə gecə reysləri BAŞLADI
10.10.2019 - 11:21
Oktyabrın 18-dən etibarən Mingəçevir və Şəki istiqamətinə gecə reysləri fəaliyyətə başlayacaq.Bu barədə Lent.az-a Bakı Beynəlxalq Avtovağzal Kompleksinin mətbuat xidmətinin rəhbəri Pərvin Məmmədova məlumat verib. O bildirib ki, avtobuslar hər gün qeyd olunan saatlarda yola düşəcək və biletlər bu gündən satışdadır.
Sərnişinlər biletləri qabaqcadan satış kassalarından səfər tarixinə 10 (on) gün qalmışdan 1 (bir) gün əvvələ kimi və ya gündəlik, eyni zamanda “avtovagzal.az” saytı və ya mobil tətbiq üzərindən “onlayn” qaydada əldə edə bilərlər.
Bakı – Mingəçevir – 23:30, Mingəçevir – Bakı – 01:00
Bakı – Şəki – 23:30, Şəki – Bakı – 23:30.
Qeyd edək ki, gecə reysləri 10 illik fasilədən sonra 1 oktyabr tarixindən etibarən bərpa olunub.
Həmçinin xatırladaq ki, gecə reysləri ilə bağlı ilkin mərhələdə dörd istiqamət (Bakı-Gəncə-Bakı, Bakı-Qırmızı Körpü-Bakı, Bakı-Mingəçevir-Bakı, Bakı-Tərtər-Bakı) seçilmişdi.
Short URL: http://www.cumhuriyyet.net/?p=134351
