Ötən il Azərbaycanda ilk diaqnoz qoyulan 11 606 xərçəng xəstəsi qeydə alınıb

16.11.2019 - 11:39

“2018-ci ildə Azərbaycanda ilk diaqnoz qoyulan 11 606 xərçəng xəstəsi qeydə alınıb”.

APA xəbər verir ki, bunu III Beynəlxalq Uroonkologiya simpoziumunda Milli Onkologiya Mərkəzinin direktorunun birinci müavini Fuad Quliyev deyib. O bildirib ki, xəstələrdən 5 733 nəfəri kişidir: “Xərçəng xəstəlikləri sırasında ilk yerdə ağciyər, ikinci yerdə mədə xərçəngidir.  Prostat  xərçəngi isə bu sıralamada 5-ci yerdədir. Avropada prostat xərçəngi ilk sırada yer alır”.

O bildirib ki, “Uroonkologiya” jurnalının 2019-cu il məlumatlarına əsasən, Rusiyada 100 min əhaliyə 40 nəfər, Ukraynada 26-27 nəfər, Belarusda 70 nəfər onkoloji xəstədir: “Azərbaycanda isə bu say 100 min əhaliyə 7 nəfərdir. 15 il əvvələ nisbətən vəziyyət daha yaxşıdır. Amma bununla belə son illərdə xərçəng xəstələrinin sayı və xəstəliklə bağlı ölüm halları da artıb. Səbəb odur ki, xərçəng xəstəliyinə tutulanların çox gec, xəstəliyin 3-4-cü dərəcəsində həkimə müraciət edirlər, bu da xəstələrin 50%-ni təşkil edir. Qazaxıstanda, Ukraynada bu, 25%-ə, Belarusda 15%-ə qədərdir. Böyrək xərçəngi ilə də vəziyyət oxşardır. 50%-ə yaxın xəstə 2-3-cü dərəcədə həkimə müraciət edir. Əsas səbəb isə maarifləndirmənin kifayət qədər aparılmamasıdır”.

F. Quliyev əlavə edib ki, son 3 ildə Milli Onkologiya Mərkəzində 2 500-dən çox onkoloji cərrahi əməliyyat həyata keçirilib.

Short URL: http://www.cumhuriyyet.net/?p=136594

XƏBƏR LENTİ

virtual_roadi

30.08.2024Uğurun memarı
Рейтинг@Mail.ru

Telefon:077 333 90 09
E-mail:cumhuriyyetqezeti@gmail.com;
Sayt "Yeni Cumhuriyyət" qəzetinin rəsmi internet saytıdır.
Saytın yazılarından istifadə olunan zaman istinad və yazının linkinin göstərilməsi zəruridir
Hazırladı - "QURDQANLI" DSGN

en son xeberler

Fevral 2025
BE ÇA Ç CA C Ş B
 12
3456789
10111213141516
17181920212223
2425262728