Deputatlığa namizədlər sərbəst buraxıldı
11.02.2020 - 14:23
Bu gün polis tərəfindən saxlanılan 33 saylı seçki dairəsindən namizədlər Ruslan İzzətli və Əhəd Məmmədli sərbəst buraxılıb.
BakuPost-a bu barədə Daxili İşlər Nazirliyinin mətbuat xidmətindən bildirilib.
Qeyd olunub ki, Ruslan İzzətli və Əhəd Məmmədli ictimai asayişi pozublar:
“Bu zaman həmin şəxslər özlərini polis əməkdaşlarına təqdim etməyiblər. Həmin şəxslər bölməyə aparılıb. Onlarin şəxsiyyəti müəyyənləşdirilib və sərbəst buraxılıblar”.
Qeyd edək ki, sosial şəbəkədə 33 saylı Dairə Seçki Komissiyasının qarşısında namizədlər Əhəd Məmmədli, Ruslan İzzətli, Zəlimxan Məmmədli və Nüşabə Sadıqlı seçkinin nəticəsinə etiraz ediblər. Bu zaman namizədlərdən R. İzzətli və Ə. Məmmədli polis əməkdaşları tərəfindən saxlanılıb.
Short URL: http://www.cumhuriyyet.net/?p=142729
