Bakılı həkim: “Artıq 70 gündür evimə gedə bilmirəm” – VİDEO
Bakılı həkim: “Artıq 70 gündür evimə gedə bilmirəm”. “ARB 24” telekanalı “Neftçilər” Xəstəxanasında müalicə olunan, koronavirusdan əziyyət çəkən xəstələrlə bağlı reportaj hazırlayıb. Reportajda çətin şəraitdə çalışan həkimlərdən də bəhs edilib.
Xəstəxananın həkimlərindən biri bildirib ki, artıq 70 gündür evindən uzaq düşüb: “Növbəmizin saatı yoxdur. Nə vaxt lazım olur, işləyirik. 70 gündür ki, evdən çıxmışam, evə getmirəm. Biz də onlar üçün çalışırıq. Onlar darıxırlar ki, evdə qala bilmirlər. Amma mən 70 gündür evimə gedə bilmirəm. Mən də getmək istəyirəm axı. Xəstələri buraxıb getmək də olmur”.
Digər həkim isə deyir: “Yaxınlarımızla yalnız telefon və video-rabitə vasitəsilə ünsiyyət qururuq”. Virtualaz.org-a istinadən cumhurriyyet.az həmin reportajı təqdim edir.
Short URL: http://www.cumhuriyyet.net/?p=148112