Prezidentin köməkçisi Anar Ələkbərov media nümayəndələri ilə görüşdü – FOTO

19.06.2020 - 10:59

Azərbaycan Respublikası Prezidentinin köməkçisi Anar Ələkbərov media nümayəndələri ilə Heydər Əliyev Mərkəzində qeyri-rəsmi şəraitdə görüş keçirib.

Oxu.Az xəbər verir ki, görüşdə media nümayəndələrindən başqa TƏBİB-in İdarə Heyətinin sədri Ramin Bayramlı və Nazirlər Kabineti yanında operativ qərargahın tibbi eksperti Rəşad Mahmudov da iştirak edib.

Görüşdə pandemiya dövründə görülən işlərin və operativ qərargahın verdiyi qərarların cəmiyyət tərəfindən necə qarşılanması, eləcə də bu qərarların KİV tərəfindən necə işıqlandırılması kimi məsələlər müzakirə olunub.

Qeyd olunub ki, bəzi hallarda KİV-lər hər hansı bir xəbəri dəqiqləşdirmədən və ya yanlış başlıqla mediaya verməklə cəmiyyətdə çaşqınlıq yarada bilir. Bu da pandemiya dövründə dövlət strukturları ilə xalq arasında anlaşılmazlıq yaradır.

Görüşdə dövlət və hökumət üçün ilk növbədə vətəndaşın təhlükəsizliyi və sağlamlığının vacibliyi bir daha vurğulanıb. Bildirilib ki, bütün iqtisadi çətinliklərə baxmayaraq, dövlət xalqın yanındadır və bu çətinlikdən biz həmrəylik göstərərək qurtula bilərik.

Müzakirə zamanı media nümayəndələrinin təklifləri dinlənilib və Anar Ələkbərov bildirib ki, bu kimi görüşlər mütəmadi olacaq.

Bu görüşlə dövlət bir daha media nümayənlərinə açıq, təklif və şikayətləri dinləməyə, dialoqa getməyə hazır olduğunu nümayiş etdirib. Bu çətin dövrdə pandemiya ilə mübarizə aparan ölkə kimi birlik nümayiş etdirməyin vacib məqam olduğu qeyd edilib. Eləcə də, KİV və dövlət qurumları daha operativ əməkdaşlıq edərək problemlərin həllinə nail olacaqlar.

Short URL: http://www.cumhuriyyet.net/?p=148538

XƏBƏR LENTİ

virtual_roadi

30.08.2024Uğurun memarı
Рейтинг@Mail.ru

Telefon:077 333 90 09
E-mail:cumhuriyyetqezeti@gmail.com;
Sayt "Yeni Cumhuriyyət" qəzetinin rəsmi internet saytıdır.
Saytın yazılarından istifadə olunan zaman istinad və yazının linkinin göstərilməsi zəruridir
Hazırladı - "QURDQANLI" DSGN

en son xeberler

Fevral 2025
BE ÇA Ç CA C Ş B
 12
3456789
10111213141516
17181920212223
2425262728