Monteneqrolu qapıçı: “Meydança yaxşı olsaydı, daha çox qol vurardıq”
“Əvvəlki oyunlarda olduğu kimi, Azərbaycanla matçda qazandığımız qələbədə də hamımızın rolu oldu. Lüksemburqla görüşdə son dəqiqələrdə zərbəyə yaxşı reaksiya göstərdim və bir qol vurub qalib gəldik. İndiyə qədər bütün görüşlərdə qələbə qazanmışıq. Bu, bizi ruhlandırır”.
“Report”un məlumatına görə, bu fikirləri Monteneqro millisinin oyunçusu Milan Miyatoviç UEFA Millətlər Liqasının qrup mərhələsinin III turunda Azərbaycan üzərində qazandıqları 2:0 hesablı qələbəni şərh edərkən deyib.
33 yaşlı qapıçı bildirib ki, ardıcıl 3 qalibiyyət komandası üçün yaxşı başlanğıcdır: “Qol buraxmadan qələbə qazanmaq çox şey deməkdir. Bu, futbolçularda özünəinamı artırır. Sadəcə, bu ritmlə davam etmək lazımdır”.
Hazırda Bolqarıstanın “Levski” (Sofiya) klubunda çıxış edən qolkiper meydançanın vəziyyyətindən gileylənib: “Azərbaycan qapımızda doğru ciddi zərbə endirmədi. Meydança, şərtlər yaxşı olsaydı, daha çox qol vurardıq. İstənilən halda, qələbəyə görə sevincliyik”.
Short URL: http://www.cumhuriyyet.net/?p=155894
