TƏBİB “Relax” istirahət mərkəzinə TƏŞƏKKÜR ETDİ

29.03.2021 - 12:25
Dünyada olduğu kimi, Azərbaycanda da COVID -19 pandemiyası səbəbindən həyata keçirilən sosial izolyasiya tədbirləri çərçivəsində hökumətlə yanaşı, mübarizənin ön cəbhəsində olan tibb işçiləri, polis və hərbiçilərimizin əzmkarlığı Lerik rayon sakinləri tərəfindən də diqqətdən yayınmayıb. Rayon sakinləri pandemiya dövründə yüksək əzmkarlıq nümayiş etdirərək, qlobal virusla mübarizədə dövlətimizin müəyyənləşdirdiyi siyasəti dəstəkləyib, əllərindən gələni əsirgəməyiblər. Ölkəmizdə koronavirusla bağlı xüsusi müalicə müəssisələrindən başqa, bir çox ailəvi istirahət mərkəzləri  də karantin məqsədləri üçün dəstək nümayiş etdiriblər. Bu baxımdan koronavirus təhlükəsindən mühafizə ilə əlaqədar karantin üçün ayrılan məkanlardan olan Lerik rayonunda yerləşən “Relax” ailəvi istirahət mərkəzinin fəaliyyətini nümunəvi hesab etmək olar. Pandemiya dövründə ölkəmizdə aparılan işlərə verdiyi dəstəyə görə “Tibb Ərazi Bölmələrini İdarəetmə Birliyi” publik hüquqi şəxsin (TƏBİB) İdarə Heyətinin sədri Ramin Bayramlı mərkəzin rəhbərliyinə təşəkkür məktubu ünvanlayıb.
Məktubda deyilir:
 “Bir ildən artıqdır ki, dünya ölkələri Ümumdünya Səhiyyə Təşkilatı (ÜST) tərəfindən elan olunmuş pandemiya – “Yeni növ koronavirus infeksiya”sına (COVID-19) qarşı mübarizə aparır. Virusun yayılmasının qarşısının alınması istiqamətində ÜST-ün tövsiyə və tələblərindən irəli gələrək Prezident cənab İlham Əliyevin rəhbərliyi ilə “BİZ BİRLİKDƏ GÜCLÜYÜK!” şüarı altında ölkəmizdə məqsədyönlü təxirəsalınmaz tədbirlər həyata keçirilmiş və bugün də bu tədbirlər davam etməkdədir. Təsadüfi deyil ki, Azərbaycanın COVID-19-la mübarizə strategiyası ÜST və mütərəqqi dünya dövlətləri tərəfindən təqdir olunur. Dövlətimizin başçısının təşəbbüsü ilə yaradılmış Nazirlər Kabineti yanında Operativ Qərargahın virusun yayılma dinamikasının və nəticələrinin aradan qaldırılması ilə bağlı verdiyi vacib qərarların icrası səhiyyə sisteminin və ölkə ictimaiyyətinin birgə səyləri nəticəsində uğurla təmin olunur. Bu tədbirlər çərçivəsində infeksiyaya yoluxma hallarının məhdudlaşdırılması və viruslu xəstələrin yerləşdirilməsi ilə bağlı bir çox qeyri-tibb müəssisələri humanitar təşəbbüslə çıxış etmişdir. Göstərilən təşəbbüslər pandemiya ilə qətiyyətli mübarizədə mühüm rol oynamışdır. Sizin də qeyri-tibb müəssisəsi olaraq belə bir xeyirxah təşəbbüsə qoşulmağınız və müəssisənizin karantin zonasına çevirməyiniz “Tibb Ərazi Bölmələrini İdarəetmə Birliyi” publik hüquqi şəxs (TƏBİB) tərəfindən yüksək dəyərləndirilir. İnsanpərvər təşəbbüsünüz üçün Sizə və kollektivinizin bütün əməkdaşlarına ehtiramımızı bildirir və təşəkkür edirik. Biz birlikdə güclüyük!”
Miq.Az
https://i0.wp.com/www.cumhuriyyet.net/wp-content/plugins/sociofluid/images/google_16.png?w=500 https://i0.wp.com/www.cumhuriyyet.net/wp-content/plugins/sociofluid/images/facebook_16.png?w=500 https://i0.wp.com/www.cumhuriyyet.net/wp-content/plugins/sociofluid/images/yahoobuzz_16.png?w=500 https://i0.wp.com/www.cumhuriyyet.net/wp-content/plugins/sociofluid/images/twitter_16.png?w=500

Short URL: http://www.cumhuriyyet.net/?p=161817

XƏBƏR LENTİ

virtual_roadi

Рейтинг@Mail.ru

Redaktor: Xan Tural
Telefon:077 333 90 09
E-mail:cumhuriyyetqezeti@gmail.com;
Sayt "Yeni Cumhuriyyət" qəzetinin rəsmi internet saytıdır.
Saytın yazılarından istifadə olunan zaman istinad və yazının linkinin göstərilməsi zəruridir
Hazırladı - "QURDQANLI" DSGN
Aprel 2021
BE ÇA Ç CA C Ş B
 1234
567891011
12131415161718
19202122232425
2627282930