Bu şəxslər maskadan qurtula bilər – Həkim açıqladı

07.04.2021 - 10:49

 

Bu şəxslər maskadan qurtula bilər - Həkim açıqladı

 

Vaksin olunmuş şəxs immunitet qazanır, virusa qarşı qorunmuş olur. İnfeksiyaya yoluxsa da, yüngül keçirir. Vaksin olunmuş şəxslər əlavə olaraq bir çox imtiyazlar qazanır.

Bu sözləri açıqlamasında pulmonoloq Eldar Zeynalov deyib. O bildirib ki, vaksin vurduran insanların daşıyıcı olmaq ehtimalı yoxdur:

“Vaksin olunmuş şəxslər gələcəkdə maskadan azad oluna və digər ölkələrə sərbəst gediş-gəlişləri təmin oluna bilər. Hökumət yenidən sərt rejimə keçməyə məcbur olsa, SMS-lə evdən çıxmaq və s. kimi məhdudiyyətlər onlara şamil olunmayacaq”.

Həkim qeyd edib ki, vaksinasiya prosesi hər ölkənin büdcəsinə uyğun aparılır:

“Bu, sadəcə büdcədən də asılı deyil. Ölkənin vaksinasiya siyasəti ilə bağlı apardığı danışıqlar da böyük rol oynayır. Azərbaycan vaksinlərin ölkəyə gətirilməsinə nail olan ilk ölkələrdəndir. Bu da danışıqların çox yüksək səviyyədə aparılmasının nəticəsidir. Həm də vaksinə ayrılmış investisiyanı ödəməyə Azərbaycanın gücü çatır. Ümumiyyətlə, Azərbaycanda vaksinasiya Avropanın öndə gedən ölkələri ilə eyni səviyyədədir. Vaksinlər ölkələrə müəyyən say və mərhələlərlə verilir. Bəzi ölkələrin maliyyə imkanları olsa da, vaksinin əldə edilməsi ilə bağlı problem yaşayırlar. Bu mənada Azərbaycan öncül ölkələr cərgəsindədir”.

Həkim əlavə edib ki, Azərbaycan sınaqdan keçmiş və effektivliyi sübut olunmuş vaksinlər alıb:

“Azərbaycan vaksinasiya ilə bağlı aparılan tədqiqatların nəticələrini gözlədi və ən az əlavə təsiri olan vaksinləri aldı. Virusun yarada biləcəyi fəsadlar vaksinin mənfi təsirlərindən qat-qat yüksəkdir. Vaksin vurulmalıdır ki, ölüm sayı azalsın. Azərbaycanın aldığı vaksinlərin fəsadı demək olar ki, yoxdur.

Kütləvi immunitetin yaranması və ya epidemiyanın Azərbaycanda başa çatmasını elan etmək üçün əhalinin 70 faizində antitellər yaranmalıdır. Buraya həm vaksin vurulmuş, həm də sağalmış insanlar daxildir. Artıq 40 yaşdan aşağı insanların da vaksinləşməsinə başlanılıb. Hesab edirəm ki, təxminən 2-3 ay sonra Azərbaycanda kollektiv immunitetin yaranması başa çatmalıdır”.

https://i0.wp.com/www.cumhuriyyet.net/wp-content/plugins/sociofluid/images/google_16.png?w=500 https://i0.wp.com/www.cumhuriyyet.net/wp-content/plugins/sociofluid/images/facebook_16.png?w=500 https://i0.wp.com/www.cumhuriyyet.net/wp-content/plugins/sociofluid/images/yahoobuzz_16.png?w=500 https://i0.wp.com/www.cumhuriyyet.net/wp-content/plugins/sociofluid/images/twitter_16.png?w=500

Short URL: http://www.cumhuriyyet.net/?p=162040

XƏBƏR LENTİ

virtual_roadi

Рейтинг@Mail.ru

Redaktor: Xan Tural
Telefon:077 333 90 09
E-mail:cumhuriyyetqezeti@gmail.com;
Sayt "Yeni Cumhuriyyət" qəzetinin rəsmi internet saytıdır.
Saytın yazılarından istifadə olunan zaman istinad və yazının linkinin göstərilməsi zəruridir
Hazırladı - "QURDQANLI" DSGN
Aprel 2021
BE ÇA Ç CA C Ş B
 1234
567891011
12131415161718
19202122232425
2627282930