Universitet tələbələri üçün yeni sistem yaradıldı
16.09.2021 - 16:03
“Yeni tədris ilindən ali təhsil müəssisələrində akademik borcların onlayn şəkildə ödənilməsi mümkün olacaq”.
Bunu Təhsil Sisteminin İnformasiyalaşdırılması İdarəsinin baş məsləhətçisi Elçin Abışov deyib.
O bildirib ki, tələbələr bu ildən istifadəyə verilən sistem vasitəsilə təhsil haqqını da onlayn şəkildə ödəyə bilər:
“Tələbələr onlayn şəkildə invoys nömrəsi alırlar. Burada həm tələbənin təhsil aldığı ali məktəb, həm də təhsil haqqı borcu barədə məlumat olacaq. Onlayn kartla müvafiq invoys nömrəsi ilə bank və “Milli ön” vasitəsilə ödəniş mümkündür. Əvvəllər tələbələr şəxsiyyət vəsiqələrini təqdim etməklə ödəniş edirdi. Təhsil haqqı borcu müəyyən hissələrə bölünə bilər”.
Short URL: http://www.cumhuriyyet.net/?p=166843
