Azərbaycanlıların nikahda üstünlük verdiyi 5 ÖLKƏ – Bu ilin STATİSTİKASI
Bu il əcnəbilər və vətəndaşlığı olmayanlarla nikaha girən azərbaycanlıların sayı açıqlanıb.
Ədliyyə Nazirliyindən bildirilib ki, cari ilin yanvar-iyul aylarında qeydiyyat orqanları tərəfindən ümumilikdə 30.290 nikah dövlət qeydiyyatına alınıb:
“Qeyd edilən dövr ərzində nikaha daxil olan şəxslərdən 889-u əcnəbi və vətəndaşlığı olmayan şəxslərdir. Onlardan 493 nəfəri kişilər, 396 nəfəri qadınlardır”.
Rəsmi məlumata görə, Azərbaycan Respublikasının vətəndaşlarının əcnəbilərlə nikahının qeydə alınması zamanı ilk beşlikdə Rusiya Federasiyası, Gürcüstan, Türkiyə, Ukrayna və Qazaxıstan Respublikasının vətəndaşları olub.
Qeyd edək ki, 2020-ci il pandemiya dövründə azərbaycanlılarla əcnəbilər arasında 588 nikah bağlanıb. 2019-cu ildə Azərbaycan vətəndaşları ilə əcnəbilər və vətəndaşlığı olmayan şəxslər arasında bağlanan nikahların sayı 2270 olub. 2018-ci ildə belə nikahların sayı 2256, 2017-ci ildə 2429 təşkil edib.
Short URL: http://www.cumhuriyyet.net/?p=166970
