Azyaşlı övladını küçəyə atan ana ilə bağlı araşdırma BAŞLADI
23.11.2021 - 12:27
Tovuzda gecə saatlarında bir qadın və azyaşlının küçədə çəkilən görüntüləri müzakirələrə səbəb olub.
Fotonun rayonun Yusif Sadıqov küçəsi ilə Əhməd Cavad küçəsinin kəsişməsində çəkildiyi bildirilib. İlkin məlumata görə, şəkildəkilər ana və övladıdır.
Ailə Qadın və Uşaq Problemləri üzrə Dövlət Komitəsinin mətbuat xidmətindən Modern.az-ın sorğusuna cavab olaraq bildirilib ki, məsələ qurumun nəzarətindədir. Hazırda monitorinq qrupu ilə birgə araşdırma aparılır.
İlkin ehtimala görə, qadının əqli problemləri olduğu, buna görə də uşağı küçədə gecələməyə məcbur etdiyi iddia edilir.
Məlumata görə, qadın gecə saat 2-3 radələrində azyaşlı övladını küçəyə gətirir, üstünü örtərək özü evinə gedir.
Short URL: http://www.cumhuriyyet.net/?p=168337
