“Facebook”dan çıxıb başqa sayta keçənlərin DİQQƏTİNƏ! – Sizi izləyirlər

“Meta” “Facebook” və “Instagram”a quraşdırılmış brauzerdən istifadə edərək istifadəçilərini izləyir.

Cumhuriyyet.az The Guardian-a istinadən xəbər verir ki, bu barədə kibertəhlükəsizlik üzrə amerikalı mütəxəssis Feliks Krauze bildirib.

Məsələ burasındadır ki, istifadəçi yuxarıda göstərilən sosial şəbəkələrdən kənar keçidləri izləməyə çalışdıqda saytlar “Meta” tərəfindən idarə olunan daxili brauzerdə açılır. Sonra, brauzer sayt səhifəsinə kod əlavə edir. Bu kod istifadəçinin bütün fəaliyyətini (linklərə kliklər, mətni seçmək, skrinşotlar çəkmək), hətta login və parollarını qeydiyyata götürür.

“Meta” kənar kodun əlavə edilməsi faktını inkar etməyib, lakin əlavə edib ki, toplanmış məlumatlar yalnız istifadəçiyə ünvanlanmış konkret reklamı seçmək üçün istifadə olunur, həmçinin istifadəçi digər internet səhifələrində öz hərəkətlərini izlənməsindən imtina edə bilər.

O da qeyd olunur ki, “Meta”nın sahibi olduğu “WhatsApp” mesencerində brauzer müşahidə aparmır.

Short URL: http://www.cumhuriyyet.net/?p=180614