AYB-nin qurultayının dəqiq tarixi gələn həftə bilinəcək

03.10.2022 - 20:16

Oktyabrın 15-də Azərbaycan Yazıçılar Birliyinin (AYB) qurultayının dəqiq tarixi, oktyabrın 22-də isə qurultay nümayəndələrinin siyahısı elan olunacaq.

Bu barədə Cumhuriyyet.az-a AYB-nin mətbuat xidmətindən məlumat verilib.

Bildirilib ki, bu gün Azərbaycan Yazıçılar Birliyində katibliyin növbəti toplantısı keçirilib. Toplantı qurultayqabağı hazırlıq işlərinin müzakirəsinə həsr edilib.

Azərbaycan Yazıçılar Birliyinin sədri, Xalq yazıçısı Anar “Azərbaycan Respublikasında 2023-cü ilin “Heydər Əliyev İli” elan edilməsi haqqında Azərbaycan Respublikası Prezidentinin Sərəncamı” ilə bağlı təkliflərini səsləndirib.

O, təklif edib ki, bu münasibətlə Yazıçılar Birliyi tərəfindən iki kitab hazırlansın. Sonra AYB sədri Yazıçılar Birliyinin sədr müavini Rəşad Məcidi Azərbaycan Mətbuat Şurasına sədr seçilməsi münasibətilə toplantı iştirakçıları adından təbrik edib. Bildirib ki, Rəşad Məcid eyni zamanda Yazıçılar Birliyindəki vəzifəsini də icra edəcək.

Azərbaycan Yazıçılar Birliyinin XIII qurultayına hazırlıq məsələlərilə bağlı müzakirələr davam etdirilib, dəvət ediləcək yerli və xarici qonaqlaırın siyahısı müzakirə edilib. Qərara alınıb ki, oktyabrın 15-də qurultayın dəqiq tarixi, oktyabrın 22-də isə qurultay nümayəndələrinin siyahısı “Ədəbiyyat qəzeti”ndə çap edilsin.

https://i0.wp.com/www.cumhuriyyet.net/wp-content/plugins/sociofluid/images/google_16.png?w=500 https://i0.wp.com/www.cumhuriyyet.net/wp-content/plugins/sociofluid/images/facebook_16.png?w=500 https://i0.wp.com/www.cumhuriyyet.net/wp-content/plugins/sociofluid/images/yahoobuzz_16.png?w=500 https://i0.wp.com/www.cumhuriyyet.net/wp-content/plugins/sociofluid/images/twitter_16.png?w=500

Short URL: http://www.cumhuriyyet.net/?p=183145

XƏBƏR LENTİ

virtual_roadi

Рейтинг@Mail.ru

Telefon:077 333 90 09
E-mail:cumhuriyyetqezeti@gmail.com;
Sayt "Yeni Cumhuriyyət" qəzetinin rəsmi internet saytıdır.
Saytın yazılarından istifadə olunan zaman istinad və yazının linkinin göstərilməsi zəruridir
Hazırladı - "QURDQANLI" DSGN

en son xeberler

Dekabr 2022
BE ÇA Ç CA C Ş B
 1234
567891011
12131415161718
19202122232425
262728293031