Sabah Bakı əhalisi işə gedə biləcək? – RƏSMİ CAVAB
“Bu gecə paytaxt ərazisində -2 və -4 dərəcə şaxta olacaq”.
Cumhuriyyet.azxəbər verir ki, bu sözləri Lent.az-ın sorğusuna cavab olaraq, Milli Hidrometeorologiya Xidmətinin Hidrologiya mərkəzinin direktoru Asif Verdiyev deyib.
O bildirib ki, ölkə ərazisində bu gün və sabah şaxta olacaq:
“Bu gün ölkə ərazisində qeyri-sabit hava şəraiti davam edəcəyi və temperatur 0 dərəcəyə yaxın olacağı müşahidə edilir. Yollar buz bağlayacaq. Bölgələrdə də qeyri-sabit hava şəraiti davam edəcək.
Bakı və Abşeron yarımadasında gecə 2-4 dərəcə şaxta, rayonlarda isə 4-8 dərəcə şaxta olacaq. Gündüz -3 dərəcə şaxtadan 2 dərəcəyə qədər isti, dağlarda isə gecə 18 – 23 dərəcə şaxta, gündüz 5-10 dərəcə şaxta müəyyən ediləcək”.
Yolların buz bağlayacağı şəraitdə əhalinin iş yerlərinə və dərsə gedəcəyi çox çətin görünür.
Short URL: http://www.cumhuriyyet.net/?p=187125
