“Maxi.az”da müştərilərin 40 minlik telefonları lombarda qoyulubmuş: Anbardar həbs edildi

28.02.2024 - 11:49

Müştərilərin telefonunu lombarda qoyub, kredit götürən “Maxi.az” mağazalar şəbəkəsinin anbardarı həbs edilib.  Qaynarinfo-nun məlumatına görə, 1989-cu ildə Bakı şəhərində anadan olmuş Vüsal Haqverdiyev müştərilərə məxsus 14 ədəd “Apple” markalı müxtəlif “iPhone”, 2 ədəd “Xiaomi”, 1 ədəd “Samsung” markalı mobil telefonları, 2 ədəd “Airpods” və 1 ədəd “iPhone” elektron saatı lombarda qoyub.

Vüsal Haqverdiyev 2018-ci ilin yanvar ayından 2023-cü ilin 28 fevral tarixədək “Maxi.az” mağazalar şəbəkəsinin Nərimanov rayonunda yerləşən “Texno servis” mərkəzində anbardar vəzifəsində çalışıb. O, 20 iyun 2022-ci il tarixdən 28 fevral 2023-cü il tarixədək cəmiyyətin qeyd olunan ünvanda yerləşən anbarından müxtəlif növ, ümumilikdə 40840 manat dəyərində mobil cihazı müştərilərə təhvil verməli olduğu halda götürərək istintaqa məlum olmayan müxtəlif lombardlarda girov qoyub kredit götürərək, şəxsi ehtiyaclarına xərcləyib.

 

 

Gülnarə (şərti ad) adlı qadın müştəri 2022-ci ilin noyabr ayında telefon almaq məqsədilə Nərimanov rayonuda yerləşən “Gənclik Mall” ticarət mərkəzindəki “Maxi.az” mağazasından 2250 manata “iPhone 14 Plus” 128GB Midnight markalı mobil telefon alıb. Telfon nasaz çıxdığından “Maxi.az”ın “Texno servis” mərkəzinə təhvil verib. Lakin mobil telefonun qəbulundan sonra ona heç bir məlumat verilməyib. O, servisə gedərək telefonu tələb edib. Servisdə ona rəy göstərərək, telefonun saz vəziyyətdə olduğu bildiriblər və daha üstün model almaq üçün gözləməsini deyiblər. Qadın 2023-cü ilin yanvar ayında “Gənclik Mall”da yerləşən “Maxi.az” mağazasında gedib, şirkətdən yeni model “iPhone 14 pro” 128 GB midnight veriblər. O, təxminən 500 manat məbləğində əlavə pul ödəyib.

Cavid (şərti ad) adlı müştəri “Maxi.az” mağazasının Əhmədli qəsəbəsində yerləşən filialından 3500 manata “iPhone 13 Pro max” 256GB graphite markalı mobil telefon alıb. Telefonu aldıqdan bir müddət sonra nasazlıq olub. Müştəri həmin telefonu sözügedən servisə təhvil verib. Lakin mobil telefonun qəbulundan 14-15 gün keçməsinə baxmayaraq, servis öz öhdəliklərini yerinə yetirməyərək telefonu təmir edib qaytarmayıb. Telefonu servisə verdikdən təxminən 30 gün keçdikdən sonra yenidən ora müraciət edib. Bu zaman ona telefonda zavod qüsuru olduğu bildirilib. O, şirkətdən telefonu tələb etdikdə anbarda “iPhone 13 pro max” 256GB graphite markalı mobil telefonun qalmadığı bildirilib.

“Maxi.az” mağazalar şəbəkəsinin digər müştəriləri də eyni problemlə üzləşiblər.

Məhkəmənin qərarı ilə təqsirləndirilən şəxs Cinayət Məcəlləsinin 179.2.3 və 179.2.4-cü maddələri ilə nəzərdə tutulmuş cinayət əməllərinin törədilməsində təqsirli bilinib, ona 4 il müddətə azadlıqdan məhrum etmə cəzası təyin edilib. Təqsirləndirilən şəxsin cəzaçəkmə müddətinin əvvəli 28 mart 2023-cü il tarixdən hesablanıb.

https://i0.wp.com/www.cumhuriyyet.net/wp-content/plugins/sociofluid/images/google_16.png?w=500 https://i0.wp.com/www.cumhuriyyet.net/wp-content/plugins/sociofluid/images/facebook_16.png?w=500 https://i0.wp.com/www.cumhuriyyet.net/wp-content/plugins/sociofluid/images/yahoobuzz_16.png?w=500 https://i0.wp.com/www.cumhuriyyet.net/wp-content/plugins/sociofluid/images/twitter_16.png?w=500

Short URL: http://www.cumhuriyyet.net/?p=198901

XƏBƏR LENTİ

virtual_roadi

Рейтинг@Mail.ru

Telefon:077 333 90 09
E-mail:cumhuriyyetqezeti@gmail.com;
Sayt "Yeni Cumhuriyyət" qəzetinin rəsmi internet saytıdır.
Saytın yazılarından istifadə olunan zaman istinad və yazının linkinin göstərilməsi zəruridir
Hazırladı - "QURDQANLI" DSGN

en son xeberler

Aprel 2024
BE ÇA Ç CA C Ş B
1234567
891011121314
15161718192021
22232425262728
2930