Taksilər bir gündə BAHALAŞDI: Əhali də, sürücülər də etiraz edir – VİDEO
Məlum olduğu kimi, 1 iyuldan etibarən yeni taksi qaydaları tətbiq olunmağa başlayır. Beləliklə, bugündən dövlət qeydiyyat şəhadətnaməsində göstərilən buraxılış tarixindən 15 ildən artıq müddət keçən avtomobil nəqliyyatı vasitələri taksi minik avtomobilləri ilə sərnişin daşımalarında istifadə oluna bilməz. Bu, Nazirlər Kabinetinin təsdiq etdiyi “Müntəzəm və taksi minik avtomobili ilə sərnişin daşımalarında istifadə olunan avtonəqliyyat vasitələrinin texniki göstəriciləri, daxili və xarici tərtibatına dair tələblər”də öz əksini tapıb.
Sənəddə qeyd olunub ki, taksi minik avtomobilləri ən azı “Avro-5” ekoloji standartına uyğun olmalıdır.
Bundan başqa, dövlət qeydiyyat şəhadətnaməsində göstərilən buraxılış tarixindən 8 ildən artıq müddət keçmiş avtonəqliyyat vasitəsinə “Avtomobil nəqliyyatı haqqında” Qanunla müəyyən edilən buraxılış kartı verilməyəcək.
Bəs yeni qaydalar taksi fəaliyyəti sahəsindəki xaosu aradan qaldıracaq, yoxsa daha bərbad vəziyyət yaranacaq?
TV Musavat-ın əməkdaşları məsələni daha yaxından araşdırmağa çalışıb.
Hazırladığımız videoreportajı təqdim edirik:
Short URL: http://www.cumhuriyyet.net/?p=202183
