Məktəb direktoru iddiaları təkzib edir

Sumqayıt şəhərində yerləşən 9 nömrəli tam orta məktəbin direktoru haqda məlumatlar yayılıb. Məktəbin bir qrup müəllimləri tərəfindən yazıldığı iddia olunan məktuba istinadən adıçəkilən məktəbin direktoru Səlimxanov Bəhruz Ramazan oğluna qarşı iddialar səslənib.

Bununla bağlı cumhuriyyet.az-a açıqlama verən məktəb direktoru isə deyilənləri təkzib etdi: “Tamamilə absurd, yalan sözlərdir. Biz müəllimlər ilə həmişə etik qaydalara uyğun danışırıq. Təyin olunduğum gündən müəllimlər ilə həmişə münasibətimiz mədəni şəkildə formalaşıb, şagirdlərlə də həmçinin intizam qaydalarına uyğun olaraq davranmışıq. Biz təmiz əllərlə işləyirik. Monitorinqlər bütün respublika ərazisində aparılır. Kameralar isə müəllimlər otağında yox, dəhlizlərdə və sinif otaqlarında mərhəlili şəkildə yavaş-yavaş quraşdırlır. İndiyə qədər 5 kamera quraşdırmışıq. İstəyirik ki, təhlükəsizliyi qorumaq məqsədilə çox yerdə quraşdıraq. Müəllimlər otağında qoyulması da yaxşı hal ola bilərdi. Jurnalların və başqa əşyaların itməməsi üçün bunu etmək istəyirik”.

Short URL: http://www.cumhuriyyet.net/?p=21679