Yazıçı Anarın adı qalmaqallı villalar işində

26.06.2015 - 02:07

anaryazarPrezident İlham Əliyevin “sökün” əmri verdiyi villalarla bağlı moderator.az-a əslində şok hesab ediləcək məlumat daxil olub. Belə ki, həmin villaların sahibinin kimliyi, daha doğrusu həmin ərizidə tikinti aparan şəxslərin hansı fövqəlgücün iradəsiylə idarə olunduğu barədə bizim üçün də gözlənilməz iddia ilə rastlaşmışıq. Sən demə, həmin şəxs Yazıçılar Birliyinin rəhbəri, xalq yazıçısı Anar imiş. Daha doğrusu, həsb olunan Tərlan Hüseynov tanınmış rejissor Tofiq Kazımovun kürəkəni və Anar Rzayevin yaxın qohumu imiş. T. Hüseynov məhz xalq yazıçısının cəmiyyətdəki və hakimiyyət yanındakı nüfuzuna arxalanaraq tikinti biznesini genişləndiribmiş. Amma mayın 19-da Binəqədidə baş vermiş yanğın fəlakətinin boğucu tüstüsü bu biznesi də məhv edib…

Maraqlıdır ki, bu gün bəzi saytlarda bu olayla bağlı əslində həqiqətə uyğun olmayan materiallar yayılıb. Onlardan ən çox tirajlananı təqdim edirik: “Bakının Səbail rayonu, Bibiheybət qəsəbəsində yerləşən “Dostluq” parkının ərazisindəki torpaq sahəsinin qanunsuz olaraq alqı-satqısını həyata keçirməkdə şübhəli bilinən iş adamı – 1972-ci il təvəllüdlü Hüseynov Tərlan Kərim oğlunun şikayəti əsasında Bakı Apellyasiya Məhkəməsində keçirilən məhkəmə prosesi başa çatıb. Məhkəmə T.Hüseynov barəsində 16 iyun 2016-cı il tarixində Xətai Rayon Məhkəməsinin çıxardığı həbs qətimkan qərarını qüvvədə saxlayıb. (Report)

Qeyd edək ki, Bakı Şəhər Baş Polis İdarəsi (BŞBPİ) əməkdaşlarının iyunun 15-də keçirdiyi əməliyyat tədbirləri nəticəsində 1972-ci il təvəllüdlü Hüseynov Tərlan Kərim oğlu tutularaq istintaqa cəlb edilib. T.Hüseynov barəsində BŞBPİ-nin İstintaq İdarəsində Cinayət Məcəlləsinin 178.3.2 (dələduzluq, külli miqdarda ziyan vurmaqla törədildikdə) maddəsi ilə cinayət işi başlanılıb. Xətai rayon Məhkəməsinin qərarı ilə T.Hüseynov barəsində 3 ay müddətinə həbs qətimkan qərarı çıxarılıb. O, Kürdəxanı qəsəbəsində yerləşən 1 saylı Bakı İstintaq Təcridxanasında saxlanılır.

T.Hüseynovun hüquqi nümayəndələri onun barəsində Xətai Rayon Məhkəməsində çıxarılan həbs qətimkan qərarının dəyişdirilməsi üçün Bakı Apellyasiya Məhkəməsinə şikayət ərizəsi ilə müraciət ediblər. Məlum olduğu kimi, “Dostluq” parkında qanunsuz tikilən villaların sökülməsi ilə bağlı Prezident İlham Əliyev ötən ay keçirdiyi müşavirədə Bakı Şəhər İcra Hakimiyyətinin başçısı Hacıbala Abutalıbova tapşırıq vermişdi. Tapşırığa əsasən, həmin parkdakı villaların sökülməsinə başlanılıb. Qeyd edək ki, həbs olunan T.Hüseynov tanınmış rejissor xalq artisti Tofiq İsmayılovun kürəkənidir.”

Göründüyü kimi, soyadlar və qohumluq məsələlərində yanlışlıq var. Amma bizim yazdıqlarımızın da təbii ki, mütləq həqiqət olduğunu iddia etmək fikrindən uzağıq. Eyni zamanda məlumatı bizə ötürən mənbənin mötəbərliliyi qənaətimizi qətiləşdirən amillər sırasındadır. Əgər iddialar təsdiqini tapmasa hörmətli yazıçımızdan üzr istəməyə hazırıq.

https://i0.wp.com/www.cumhuriyyet.net/wp-content/plugins/sociofluid/images/google_16.png?w=500 https://i0.wp.com/www.cumhuriyyet.net/wp-content/plugins/sociofluid/images/facebook_16.png?w=500 https://i0.wp.com/www.cumhuriyyet.net/wp-content/plugins/sociofluid/images/yahoobuzz_16.png?w=500 https://i0.wp.com/www.cumhuriyyet.net/wp-content/plugins/sociofluid/images/twitter_16.png?w=500

Short URL: http://www.cumhuriyyet.net/?p=27306

XƏBƏR LENTİ

virtual_roadi

Рейтинг@Mail.ru

Telefon:077 333 90 09
E-mail:cumhuriyyetqezeti@gmail.com;
Sayt "Yeni Cumhuriyyət" qəzetinin rəsmi internet saytıdır.
Saytın yazılarından istifadə olunan zaman istinad və yazının linkinin göstərilməsi zəruridir
Hazırladı - "QURDQANLI" DSGN

en son xeberler

Fevral 2023
BE ÇA Ç CA C Ş B
 12345
6789101112
13141516171819
20212223242526
2728