Zakir Fərəcovun salacağı yeni Sumqayıt bulvarı qanunsuzdurmu? – REAL sədri faktları ortaya çıxardı

20.11.2015 - 18:04
zakir2Respublikaçı Alternativ Hərəkatının Sumqayıt Məclisinin sədri Hafiz Babalı Şəhərsalma və Arxitektura Komitəsinin sədri Abbas Ələsgərova müraciət ünvanlayıb. REAL sədri müraciətində Sumqayıt şəhərində salınan yeni bulvarın Sumqayıt şəhərinin qüvvədə olan Baş planına uyğun gəlmədiyini faktlarla göstərmişdir. 
Cümhuriyyət.az-a göndərilən müraciətin surətini təqdim edirik:
Hafiz Babalı

Hafiz Babalı

“Hörmətli Abbas müəllim!

Bu günlərdə Sumqayıt şəhəri İcra Hakimiyyəti şəhərin dənizkənarı ərazisində irimiqyaslı tiknti işlərinə start verib. Nəzərdə tutulan işlər müfəssəl planlar daxil olmaqla bir neçə informasiya saytı vasitəsilə şəkilli və qrafik formada ictimaiyyətə açıqlanıb.
Mənbə olaraq bu keçidləri təqdim edirəm:
http://sumqayitxeber.com/wp-content/uploads/2015/11/IMG_5673.jpg
http://xeberle.com/az/view/17524/sumqayt-bulvar-tamamile-yenilenir-zakir-ferecovdan-yeni-layihe-fotolar/
Hörmətli Abbas müəllim, yuxarıdakı keçidlərə əksini tapan əsaslı tikinti işlərinin görülməsini nəzərdə tutan layihələr Sumqayıt şəhərinin qüvvədə olan Baş planına (http://arxkom.gov.az/sehersalma/sehersalma1/basplan/planlar/kicik%20sumqayit%20bas%20plan.jpg) və
funksional zonalanma sxeminə(http://arxkom.gov.az/sehersalma/sehersalma1/basplan/planlar/kicik%20SUMQAYIT%20FUNKSIONAL%20SXEM.jpg) uyğun gəlmir. Belə ki, şəhərin Baş planına əsasən, qeyd olunan ərazi bulvar və park təyinatlıdır. Ərazidə yeni əsaslı tikinti obyektlərinin, xüsusilə hündürmərtəbəli yaşayış evlərinin inşa edilməsi Sumqayıtın əsas şəhərsalma sənədində əksini tapmamışdır.
Hörmətli sədr, mən Sumqayıt şəhəri sakini olmaqla bərabər, həm də REAL – Respublikaçı Alternativ Hərəkatının Sumqayıt Məclisinin sədriyəm. Sumqayıt İH-nın dənizkənarı çimərlik, bulvar və park ərazisini əhatə edən bu iri kapital tutumlu layihəsi şəhərdə birmənalı qarşılanmayıb. Güman edirəm ki, bu müraciətimi şəhər sakinlərinin yaşıllıqların müdafiəsinə yönəlmiş çağırışı kimi də qəbul edəcəksiniz.
Qeyd olunanlarla əlaqədar olaraq, məsələni nəzarətə götürməyinizi və müvafiq araşdırma aparılması barədə göstəriş verməyinizi xahiş edirəm.

Hörmətlə,
Hafiz Babalı, Respublikaçı Alternativ Hərəkatının Sumqayıt Məclisinin sədri”

"Yeni Sumqayıt Bulvar" planı

“Yeni Sumqayıt Bulvarı” planı

Cümhuriyyət.az saytı olaraq məsələni diqqətdə saxlayacaq və qarşı tərəflərin də mövqeyini öyrənməyə çalışacayıq.

Short URL: http://www.cumhuriyyet.net/?p=40402

XƏBƏR LENTİ

virtual_roadi

30.08.2024Uğurun memarı
Рейтинг@Mail.ru

Telefon:077 333 90 09
E-mail:cumhuriyyetqezeti@gmail.com;
Sayt "Yeni Cumhuriyyət" qəzetinin rəsmi internet saytıdır.
Saytın yazılarından istifadə olunan zaman istinad və yazının linkinin göstərilməsi zəruridir
Hazırladı - "QURDQANLI" DSGN

en son xeberler

Fevral 2025
BE ÇA Ç CA C Ş B
 12
3456789
10111213141516
17181920212223
2425262728