“İxtisarlar olacaq” – Nazir

Mədəniyyət və Turizm Nazirliyi Avropa İttifaqı (Aİ) ilə birgə mədəniyyət sahəsində idarəolunma üzrə təkmilləşdirilmələr aparacaq.

Cümhuriyyət.az Trend-ə istinadən bildirir ki, bunu mədəniyyət və turizm naziri Əbülfəs Qarayev jurnalistlərə deyib: “Nazirlik 10 ildir ki, fəaliyyət göstərir. Bu müddətdə turizmin idarə olunması sahəsində Avropa İttifaqının tvinniq layihəsi həyata keçirildi. İndi isə biz Aİ ilə mədəniyyətdə idarəolunma sahəsində təkmilləşdirilməyə başlayırıq. Bunlar hamısı təbii proseslərdir”.

Nazir qeyd edib ki, ötən ilin sonunda nazirlik tərəfindən strukturda islahatlar keçirildi: “Bu proses də davam edəcək. Lazım olduqda işləməyən müəssisələr ixtisar olunacaq. Amma eyni zamanda, işləyən, yeni, müasir üsulla çalışan müəssisələrin inkişafına, sözsüz ki, təkan verəcəyik”.

Short URL: http://www.cumhuriyyet.net/?p=51840