Neft şirkətlərində kütləvi ixtisarlar – Adlar

01.02.2016 - 14:19

ixtisarXarici və yerli neft şirkətlərində ixtisarlar aparılır. Artıq “İntertek Azəri”, “ASCO”, “SWİFT Engineering”, “Bahar Enerji”, “Qarasuoil”, “Şirvanoil” şirkətlərində, o cümlədən “Neftqaztikintitresti”, “Azərneftyanacaq”, “Azərneftyağ” və “Azəriqaz” İstehsalat Birliyində yüzlərlə neftçi ixtisara salınıb.

Bu barədə Neftçilərin Hüquqlarını Müdafiə Təşkilatının sədri Mirvari Qəhrmanlı məlumat verib.

Onun sözlərinə görə, adları çəkilən şirkətlərdə ixtisarlar zamanı qanun pozuntulrına yol verilib. Əksər hallarda işçilərə məcburi ərizə yazdırılıb.

“Təşkilata edilən müraciətdə deyilir ki, “Elit Marino” şirkəti işdən çıxardığı işçilərə kompensasiya ödəməkdən imtina edib. “Qarasuoil” şirkəti ixtisarlar aparılarkən işçinin peşəkarlığını deyil, qohumbazlığı nəzərə alır. Nəticədə, onlarla mütəxəssis işdən çıxarılıb”, – M.Qəhrəmanlı belə deyib.

Araşdırmalar zamanı bəlli oldu ki, “Şirvanoil” şirkətində əmək müqavilələri ləğv edilərkən işçilərin ailə vəziyyətləri, ailə üzvləri içərisində 1-ci qrup əlil və digər əlillik qrupu olan şəxslərin olması, uzun illər neft sahələrində işləməklə təcrübəli işçilər olmaları, peşəkarlıqları, əmək intizamı qaydalarını pozmadıqları, əmək funksiyalarını layiqincə yerinə yetirmələri və digər güzəşt və təminatları nəzərə alınmayıb.

Hüquq müdifəçisinin sözlərinə görə, “Neftçala” əməliyyat şirkətində “Neftçala”, “Xıllı”, “Durovdağ” və “Bazanan”yataqları) 100 qədər işçiyə məcburi ərizə yazdırmaqla yanvar aynda onları ödənişsiz məcburi məzuniyyətə göndəriblər. Ödənişsiz məzuniyyətə göndərilənlər əsasən fəhlələrdir. Onların orta əməkhaqqı 200-250 manat civarındadır.

“Caspian Employment Provider” Məhdud Məsuliyyətli Cəmiyyətinin əməkdaşları Novruzov İsrafil, Əkbərov Eynur, İ.Nəbiyev İlham hüquqlarının pozulması iddiası ilə Suraxanı Rayon Məhkəməsinə müraciət ediblər. Onların iddia ərizələr təmin olunub”, – deyə təşkilat rəhbəri əlavə edib.

Virtualaz.org

Short URL: http://www.cumhuriyyet.net/?p=52340

XƏBƏR LENTİ

virtual_roadi

30.08.2024Uğurun memarı
Рейтинг@Mail.ru

Telefon:077 333 90 09
E-mail:cumhuriyyetqezeti@gmail.com;
Sayt "Yeni Cumhuriyyət" qəzetinin rəsmi internet saytıdır.
Saytın yazılarından istifadə olunan zaman istinad və yazının linkinin göstərilməsi zəruridir
Hazırladı - "QURDQANLI" DSGN

en son xeberler

Fevral 2025
BE ÇA Ç CA C Ş B
 12
3456789
10111213141516
17181920212223
2425262728