“Azərsun Holdinq”in daha bir şirkətində işçilər ixtisara düşür

01.02.2016 - 16:34

qk“Azərsun Holdinq”in Xaçmaz rayonunda əsasən tərəvəz məhsullarının emalı ilə məşğul olan “Qafqaz Konserv Zavodu” MMC-də inzibati işçilərin ixtisarı keçirilib.

Baku.ws-ə daxil olan məlumata görə, müəssisə işçilərin optimallaşdırması zamanı 100 belə əməkdaşının təxminən 40 nəfərini işsiz qoymalı olub. Yanvarın 29-da onlar üçün müəssisədə sonuncu iş günü olub.

İşçilərə bildirilib ki, iş olacağı təqdirdə onlar muzdlu işçi kimi zavoda dəvət oluna bilərlər. Qeyd edək ki, muzdlu işçiyə gündəlik 9 manat əmək haqqı təklif edilir.

Məsələ ilə bağlı Holdinqin İctimaiyyətlə əlaqələr və biznesin inkişafına dəstək Departamentinin müdiri Afiq Səfərov müəyyən müəssisələrdə ixtisarlar aparıldığını etiraf edib. A. Səfərov bildirib ki, hazırda ixtisarlar dayandırılıb.

“İxtisarlara səbəb müəyyən tikinti layihələrimizin dayandırılması oldu. Bir də mövsüm amili də öz təsirini göstərir. Bilirsiniz ki, hər mövsümdə meyvə-tərəvəz istehsal olunmadığı halda müəssisə əlavə işçi saxlamaq gücündə olmur. Amma təbii mövsümdə onlar bərpa olunacaqlar”, – deyə A. Səfərov qeyd edib.

Holdiqin departament müdiri əlavə edib ki, hazırda Sumqayıtda Azərsun-un yeni layihələrinin açılması istiqamətində iş gedir: “İxtisara düşən işçilərimizi də təkrar həmin müəssisələrdə işlə təmin etmək istəyirik. Bu istiqamətdə iş gedir. Ümumiyyətlə, ixtisar bizim şirkətdə 7-8%-lə ifadə olunur. Vaxtında tələbdan daha çox işçi götürmüşdük. Məsələn, yeni texnika alırdıq, amma sosial məsuliyyət baxımından işçini yenə də saxlayırdıq. Lakin son vaxtlar iqtisadi vəziyyət də çətinləşdiyindən müəyyən ixtisarlarımız oldu. Onların da bərpası istiqamətində yeni layihələrin üzərində iş gedir. Yaxın vaxtlarda yeni müəssisələrimiz olacaq və həmin müəssisələrimizə işsiz qalmış işçilərimizi bərpa etmək istiqamətində addımlar atılacaq”.

Short URL: http://www.cumhuriyyet.net/?p=52380

XƏBƏR LENTİ

virtual_roadi

30.08.2024Uğurun memarı
Рейтинг@Mail.ru

Telefon:077 333 90 09
E-mail:cumhuriyyetqezeti@gmail.com;
Sayt "Yeni Cumhuriyyət" qəzetinin rəsmi internet saytıdır.
Saytın yazılarından istifadə olunan zaman istinad və yazının linkinin göstərilməsi zəruridir
Hazırladı - "QURDQANLI" DSGN

en son xeberler

Fevral 2025
BE ÇA Ç CA C Ş B
 12
3456789
10111213141516
17181920212223
2425262728