Deputat Gəncə-Bakı aviareyslərinin sayının artırılmasını istədi
15.03.2016 - 14:26
Gəncə-Bakı marşrutu ilə aviareyslərin hər gün həyata keçirilməsi təmin edilməlidir.
“Report” xəbər verir ki, bu təkliflə deputat Musa Quliyev Milli Məclisin bugünkü plenar iclasında hökumətin 2015-ci il hesabatının müzakirəsi zamanı çıxış edib.
“Gəncə-Bakı aviareysi bir qaydaya salınmalıdır. Bunun üçün elə bir böyük vəsait də tələb olunmur. Bu reys gah həyata keçirilir, gah da yox. Bu aviareysdən təkcə həmin bölgənin insanları istifadə etmir. Bu istiqamətdə hər gün təyyarə reyslərinin təmin olunmasını xahiş edirəm”, – deyə millət vəkili qeyd edib.
Qeyd olunur ki, hazırda bu marşrutla aviareyslər həftədə üç dəfə (I, V və VII günlər) yerinə yetirilir.
Short URL: http://www.cumhuriyyet.net/?p=57780
