Sürücüyə gündə bir dəfə cərimə yazılacaq
Kəmər bağlamayan sürücülərin addımbaşı cərimələnə bilməsi məsələsinə aydınlıq gətirilib. Yeni İnzibati Xətalar Məcəlləsində sürücünün təhlükəsizlik kəmərindən istifadə etməməsinə görə elektron protokol (MMX protokol) tərtib olunması nəzərdə tutulur.
Lakin ortaya sual çıxırdı ki, sürücüyə hər kamera qarşısından keçəndə protokol yazılacaqmı?
Virtualaz.org xəbər verir ki, yol hərəkəti üzrə ekspert Ərşad Hüseynovun bildirdiyinə görə, yeni dəyişikliyə əsasən, eyni sürücüyə kəmərlə bağlı bir gündə yalnız bir elektron protokol tərtib edilə bilər.
“Amma həmin sürücüyə DYP əməkdaşı yerində saxlamaqla kəmərə görə məhdudiyyətsiz sayda protokol (cərimə) yaza bilər. Açığı, mən bu dəyişikliyi bəyənmirəm. Kəmər həmişə bağlı olmalıdır. Kəməri bağlamayan sürücünü isə hər addımda cərimələmək lazımdır”, – ekspert belə deyib.
Short URL: http://www.cumhuriyyet.net/?p=58164
