Ailənin tək oğulları əsgərliyə getməyə bilərmi?
“Bu gün şəhid ailələri, tək oğullar, habelə digər kateqoriyadan olan şəxslərin məsələsini tənzimləmək haqqında konkret qanunların qəbul edilməsinə ehtiyac var”.
Bunu Moderator.az-a açıqlamasında “Hərbi Jurnalistlər” İctimai Birliyinin rəhbəri, hərbi ekspert Üzeyir Cəfərov bildirib. Onun sözlərinə görə, xüsusilə tək oğullarla bağlı məsələyə həssaslıqla yanaşmağa ehtiyac var:
“Məlum olduğu kimi, son əməliyyatlar zamanı neçə ailənin tək oğlu dünyasını dəyişdi. Mən anlayıram ki, vətən qarşısındakı borcunu ödəmək hər kəsin müqəddəs borcudur. Amma valideynin də vəziyyətini nəzərə almaq lazımdır. Ailənin yeganə övladı həlak olur və ailə faktiki olaraq gələcək davamçısından məhrum olur.
Hərbi qulluqçuların sosail şəraitinin yaxşılaşdırılmasına, hərbçi ailələri ilə bağlı müəyyən güzəşt və imtiyazların tətbiqinə də ehtiyac var”.
Short URL: http://www.cumhuriyyet.net/?p=64423