Eldar Mahmudovun toy xəbəri yalan çıxdı

Nə Çingiz Əsədullayevin oğlunun toyu olub, nə də Eldar Mahmudov toyda

Yerli KİV-in yaydığı məlumata görə, keçmiş MTN rəhbəri Eldar Mahmudov tutduğu vəzifədən kənarlaşdırıldıqdan sonra ilk dəfə ictimaiyyət arasına çıxıb. Mətbuatın yazdığına inansaq, E.Mahmudov “AGbank” Müşahidə Şurasının sədri Çingiz Əsədullayevin oğlunun “Böyük Saray” şadlıq sarayında keçirilən toy mərasimində iştirak edib.
Virtualaz.org saytı araşdırıb ki, əslində yazılanların heç biri həqiqətə uyğun deyil. Belə ki, nəinki Eldar Mahmudov toyda iştirak etməyib, ümumiyyətlə həmin gün o bankirin oğlunun toyu olmayıb. Sonradan məlum olub ki, şənbə günü biznesmen Çingiz Məsimovun oğlunun toy mərasimi keçirilib. Düzdür, mərasimdə çoxlu sayda ictimai xadim, deputat, məmur, tanınmış şəxs iştirak edib. Amma hazırda ev dustaqlığında olduğu bildirilən keçmiş MTN rəhbəri Eldar Mahmudov onların arasında olmayıb.

İnarə

Virtualaz.org

Short URL: http://www.cumhuriyyet.net/?p=75670