Azərbaycanlı ekstrasensdən məşhurlarla bağlı ilginc açıqlamalar

Azərbaycanda bir çox insanın problemlərini həll etmək, arzularına çatmaq üçün ekstrasenslərə, cadugərlara müraciət edib. Bununla bağlı mətbuatda da mütəmadi olaraq məlumatlar dərc olunur. Bəs ekstrasenslərə müraciət edən məşhurlar kimlərdir?
Bu sualla müracitə etdiyimiz ekstrasens Aqil Məhərrəmov ad açıqlamasa da, maraqlı açıqlamalar verdi. Ekstrasensin Qaynarinfo.Az-a açıqlamasını təqdim edirik: “Bu günə qədər yetərincə məşhurlar mənə müraciət edib. Ad çəkmək peşə kodeksimə ziddir. Necə ki, həkimlər öz xəstələri bağlı məlumatları məxfi saxlayır, bizdə də elədir. Kiminsə sirrini açıb, ad çəkmək düzgün olmaz. Onların istəklərinə gəlincə, məşhur aparıcılardan bir neçəsinə kömək etmişəm ki, əllərindən alınan proqramları geri qaytarılsın, işləri yoluna düşsün. Bəzi müğənnilər var ki, evlənməyiblər, toy dəvətləri almayıblar. İstəyiblər ki, əksinə olsun. Onlara bununla bağlı köməklik etmişəm. Əminliklə deyirəm, bir müğənni var ki, mənim köməkliyimlə tanınır. Hansı ki, 6 il öncə mənə müraciət etmişdi. Elə müğənni var ki, şəxsi həyatında özünə uyğun adam tapa bilmirdi, mənə müraciət etmişdi. Hazırda sənətdən bir az uzaqlaşsa da, həyatı istədiyi kimi davam edir, çünki cadusu təmizlənib. Çox məşhurlar isə cadusu olduğu üçün mənə müraciət edirlər”.

Short URL: http://www.cumhuriyyet.net/?p=76359