Yol polisindən xəbərdarlıq: “Məscidlərin ətrafında…”
10.10.2016 - 13:33
Oktyabrın 12-də Azərbaycanda qeyd olunacaq Aşura mərasimləri ilə əlaqədar Bakı şəhərində məcsidlərin yerləşdiyi ərazilərə bitişik küçə və yollarda nəqliyyat vasitələrinin hərəkətinə nəzarət gücləndiriləcək.
Bu haqda məlumat verən Bakı Şəhər Baş Dövlət Yol Polisi İdarəsinin İctimaiyyətlə əlaqələr şöbəsinin rəisi, polis polkovniki Vaqif Əsədov sürücülərə müraciət edib:
“Sürücüləri diqqətli olmağa çağırırıq. Tövsiyə edirik ki, mümkün qədər şəxsi avtomobillərdən imtina etsinlər. Məscidlərin ətrafında avtomobillərin park edilməsinin mümkünsüzlüyünü nəzərə alıb, tıxacların yaranmaması üçün ictimai nəqliyyat vasitələrindən istifadə etsinlər”.
Short URL: http://www.cumhuriyyet.net/?p=78402
