Nazir tikintidə ölən fəhlələrdən danışdı: “Xəbərdarlıq etmişik…”
Əmək və əhalinin sosial müdafiəsi naziri Səlim Müslümov son vaxtlar tikinti işlərində fəhlələrin dünyasını dəyişməsilə bağlı sualları cavablandırıb.
Modern.az-ın verdiyi xəbərə görə, nazir bildirib 1 ilə yaxındır Dövlət Əmək Müfəttişliyi Xidməti tikinti şirkətlərində yoxlamalar aparmır:
“Buna görə də biz müxtəlif təbliğat vasitələri ilə tikinti şirkətlərinə, işəgötürənlərə xəbərdarlıq, xahiş edərək bildirmişik ki, əməyin təhlükəsizliyi qaydalarına riayət edilsin. Amma buna baxmayaraq, son zamanlar əməyin təhlükəsizliyi qaydaları işəgötürənlər tərəfindən kobud şəkildə pozulur”.
S.Müslümov deyib ki, sığorta işini həyata keçirmək üçün müəyyən fond yaradılmalıdır:
“Düşünürəm ki, bu sahədə müəyyən qayda-qanun yarada bilərik”
Short URL: http://www.cumhuriyyet.net/?p=78572
