“Banklar insanlara zülm edir” – Deputat

Oktyabrın 21-də Milli Məclisin (MM) İqtisadi siyasət, sənaye və sahibkarlıq komitəsinin iclası keçirilib.

Gununsesi.info-nun iclasda iştirak edən əməkdaşının verdiyi məlumata görə, iclasda “Kredit büroları haqqında” qanun layihəsi müzakirəyə (ikinci oxunuşda) çıxarılıb. Komitənin üzvü Əli Məsimli bildirib ki, bankların sağlanlaşdırılması istiqamətində işlər sürətləndirilməlidir: “Əks halda bu sahədə islahatların həyata keçirilməsind ciddi problemlər yarana bilər. Bundan başqa problemli kreditlərlə bağlı məsələ tezliklə həll olunmalıdır. Məhz problemli kreditlərin qaytarılması ilə bağlı hökümətə təkliflər paketi təqdim olunub. Lakin təkliflər paketinin üzərindən 6 ay keçməsinə baxmayaraq hələ də bundan bir xəbər yoxdur”.

Onun sözlərinə görə, yalnız Azərbaycan Respublikasının Maliyyə Bazarlarına Nəzarət Palatası təkliflə bağlı rəy verib: “Qurumun verdiyi rəy isə bizi qane etmir. Bunu bizə qarşı sayğısızlıq kimi dəyərləndirmək olar. Bu gün bankların vətəndaşlara göstərdiyi xidməti insanlığı yaraşmır. Bir sözlə banklar insanlara zülm edir”.

Short URL: http://www.cumhuriyyet.net/?p=79770