Ev yıxan, ailə dağıdan müğənnilərimiz: Yerli şou-biznesin iç üzü – FOTOLAR

Məşhurların həyatı sevgi macəraları hər zaman insanların diqqət mərkəzindədir. Onlar haqqında yayılan xəbərlər nə qədər həqiqəti əks etdirib-etdirməsə də hər zaman dedi-qodu məlzəməsinə çevrilib. Hətta şou-biznes aləmindən kənarda- evdə, ofislərdə insanlar onların şəxsi həyatlarını müzakirə və tənqid ediblər. Uzun müddətdir şəxsi həyatları ilə bağlı qalmaqaları ilə mətbuatın gündəmindən düşməyən yerli şou-biznes nümayəndələrinin qalmaqalı sevgi macəralarını sizə təqdim edirik.

Yaxın günlərdə məşhur müğəni və rəqqasə Sevda Sanalıyevanın həyat yoldaşının əvvəlki ailəsini ataraq onunla evləndiyi barədə mətbuatda xəbərlər yayılmağa başlayıb. Belə ki, televiziyalardan birinə canlı efir zamanı zəng vuran və müğəninin ərinin keçmiş qaynanası olduğunu deyən qadın Sevda Sanalıyevanın “həyat yoldaşım” dediyi şəxsin arvadını və iki uşağını ataraq onunla evləndiyini bildirib.

Birinci evliliyinə son verib, müğənni S. Sanaliyeva ilə ailə quran Cəlil bəyin valideynləri və ilk həyat yoldaşı Lalə xanım bu izdivacla hələ də razılaşa bilmirlər.

Növbəti qalmaqallı ailə həyatı ilə gündəmə gələn müğənni isə Şəbnəm Əsədovadır. Hazırda hacı Rafiq adlı bəylə evli olan, həyat yoldaşının ikinci arvadı oluğunu söyləyən müğənni insanlar tərəfindən ciddi tənqidlərə, həttə təhqirlərə məruz qalıb. İzləyicilər onu ailə dağıtmaqda ittiham edərək, tənqid atəşinə tutublar.

Günel Ələkbərova da bir vaxtlar ailə dağıtdığı üçün ittiham edilib. Pişik Günel ləqəbi ilə tanınan ifaçı Şəbnəm Tovuzlu kimi həyat yoldaşının ikinci arvadı olduğunu açıqlayıb. Hətta müsahibələrinin birində müğənni ailəsinin indiki həyat yoldaşı ilə birlikdə olmasına narazı olduğunu deyib.

“Bütün ailə üzvlərim uşağımın atasını tanıyırdılar. Çünki biz onunla üç il idi ki, münasibətdə idik. İlk başdan ailəmdə anam narazı idi. Narazılıq oğlanın evli olmasından dolayı idi. Amma vallah, xoşbəxtlik “ZAQS”la deyil. Əsas odur ki, kəbinimiz var, övladım halallıqla dünyaya gəlib. O, övladının arxasındadır, ata kimi özünü doğruldur. Bunu hamı da görür. Artıq ailəm də ona güvənir. Ona görə də hazırda heç bir narazılıq yoxdur. Onu da deyim ki, indi Məryəmxanım nəinki ailəmin, hətta bütün nəslimin maraq və diqqətindədir”.

İllər əvvəl mətbuatın gündəmi daha bir məşhurun ailə dağıtması xəbəri ilə silkələndi. Belə ki, meyxanaçı Namiq Qaraçuxurlunun keçmiş həyat yoldaşı saytlardan birinə verdiyi müsahibəsində ailəsini Aygün Kazımovanın dağıtdığını dilə gətirib.

Namiq Qaraçuxurlu ilə evliliyindən 2 oğlunun dünyaya gəldiyini deyən Solmaz Şükürova meyxanaçının hamıdan gizlətdiyi böyük sirri açaraq onu şan-şöhrətə görə övladlarını atmaqda ittiham edib: “Namiq artıq özü danışdığı yalanların məsuliyyətini daşımalıdır. O, şan-şöhrətə görə iki oğlunu atıb getdi. Amma artıq faktlar qarşısından heç yerə qaça bilməyəcək. Namiq Ümidlə Ülvinin atasıdır. Biz Aygünə görə ayrılmışıq. Ayrıldıq deyəndə ki, Namiq özü bizi atıb getdi. Onda Ülvi 4 aylıq, Ümid isə yaş yarımlıq idi”.

Bir müddət əvvəl isə məhəbbət üçbucağı qalmaqalları ilə Təranə Qumral həyat yolaşı Musa Musayev və müğənni Nazənin mətbuatın gündəminə “bomba” kimi düşüb. Qarşılıqlı ittihamların səsləndirildiyi qalmqalda Nazənin Təranə Qumralı onun ərinə intim mesajlar yazmaqda, Təranə isə müğənni həmkarını ailə dağıtmaqda, hətta 5-6 arvadı olan kişidən uşaq dünyaya gətirməkdə ittiham etmişdi.

Müğənni Fədayə Laçının həmkarı Tacir Şahmalıoğlunun ailəsini dağıtdığı iddia edilsə də, Tacir bəy bunu inkar edib.

“Mənim birinci ailəm dağılanda nə Fədayə var idi, nə heç kim. O, Bakıda yaşayan bir xanım idi. Sadəcə, Bakı mühitində böyüdüyünə görə, Ağdamda yaşaya bilmədi. Onunla 7-8 ay evli olmuşuq. Birinci xanımımdan övladım yoxdur. İkinci həyat yoldaşımdan isə bir qızım, bir oğlum var”.

Məşhur türkiyəli müğənni Ebru Gündeşin də adı azərbaycanlı müğənni Günel Zeynallı ilə oxşar qalmaqalda hallanıb. Belə ki, türk müğəni azəri qızının sevgilsini əlindən almaqda ittiham edilirdi. Hazırda ABŞ-da həbsdə olan azərbaycanlı milyarderin müğənni Günellə ayrılmasına səbəb Ebru Gündeş olduğu deyilirdi.

Rəqsanə İsmayılovanın da evli kişi ilə sevgi macərları yaşadığı ilə bağlı iddialar səsləndirilmişdi. Müğənni özü də müsahibələrində indiki həyat yoldaşı ilə tanış olduqları vaxt onun ailəli olduğunu bildiyini söyləyib. Lakin bir müddət sonra boşandığını və ailə qurduqlarını açqılayıb.

“Uzun illər idi ki, bir-birimizi tanıyırdıq. Mən onu tanıyanda onun ailəsi var idi. Həqiqətən də bir-birimizə dost kimi hörmət edirdik. Sonra günlərin bir günündə məclislərin birində rastlaşdıq. Mən həmin vaxt bilmirdim ki, o boşanıb. Amma sən demə, bu yetimin gözü lap əvvəldən məndə imiş. Həmin gün də mənə evlilik təklif etdi. Açığı, düşünmürdüm ki, aramızda rəsmi şəkildə nikah olsun. Çünki ağlıma da gəlməzdi ki, nə vaxtsa ikinci dəfə ərə gedərəm. Mənim kişi xarakterim var. Hər zaman yoldaşım mənə deyir ki, “Sən qaqaşsan”. Məndən öncə ailəsi var idi, ayrılıb. Həmin evlilikdən iki övladı var. 1-ci ailəsindən rəsmən nikahını pozandan sonra, qanuni şəkildə mənimlə rəsmi nikaha girib”.

Məşhur müğənni Röya Ayxan da ailə dağıdan ifaçılar sırasında qərarlaşıb. Müğəninin keçmiş həyat yoldaşı Anar Cəlilovun ailəsini ataraq Röya ilə evləndiyi iddiaları bir müddət mətubatı cənginə almışdı. Daha əvvəlki evliliyi uğursuz olan Anarın valideynləri onun Röya ilə evlənməsinə qarşı çıxıb. Lakin həmin vaxt tanınmış iş adamlarından birinin oğlu olan Anar Cəlilov Röya ilə ailə həyatı qurmaqda israr edib. Onların Hüseyn adlı bir oğlu var.

Aynur Ələkbərova, A24.Az

Short URL: http://www.cumhuriyyet.net/?p=81501