Fuad Poladovun səhhətində problem yaranıb? – Foto

10.11.2016 - 10:54

111Xalq artisti Fuad Poladovun səhhətində problem yaranıb.

Aktyor bu gün Bakının özəl xəstəxanalarından birində olub. Xalq artistinin səhhətində yaranan problemin nədən ibarət olduğu hələlik məlum deyil.

Xəstəxananın F.Poladovu müayinə edən həkimi sosial şəbəkədə aktyorla birlikdə fotosunu paylaşaraq bunları yazıb: “Bu gün bayram günü olmasına baxmayaraq biz işləyirik. Günümə sevinc qatan qonağım Fuad Poladov oldu. Şükürlər artıq hər şey geridə qaldı. Allah şəfa versin”.

F. Poladov isə açıqlamasında səhhətində hər hansı problem yaranmadığını bildirib: “Səhhətimlə bağlı heç bir problemim yoxdur. Yanına getdiyim həkim mənim tanışımdır. Sadəcə söhbət eləmək istəyirdik”.

Həkim isə Fuad Poladovun xəstəxanaya müraciət etməsinin tamam başqa məsələlərlə bağlı olduğunu deyib. Onun sözlərinə görə, aktyor həyat yoldaşının səhhətində yaranmış problemlə bağlı müraciət edib: “Fuad bəy xəstəxanaya həyat yoldaşını gətirmişdi. Gəldilər, müayinə etdik və getdilər”.

Qeyd edək ki, Fuad Poladov ötən ay Akademik Milli Dram Teatrından ayrılıb. O, işdən qovulan aktyor Hikmət Rəhimova qarşı edilən haqsızlığa etiraz əlaməti olaraq belə bir addım atdığını deyib. Onun “Azdrama”dan gedişi böyük ajiotaja səbəb olub.F. Poladov “Azdrama”dakı son tamaşasında anşlaqla yola salınıb.(Bakipost.az)

112

Short URL: http://www.cumhuriyyet.net/?p=81543

XƏBƏR LENTİ

virtual_roadi

30.08.2024Uğurun memarı
Рейтинг@Mail.ru

Telefon:077 333 90 09
E-mail:cumhuriyyetqezeti@gmail.com;
Sayt "Yeni Cumhuriyyət" qəzetinin rəsmi internet saytıdır.
Saytın yazılarından istifadə olunan zaman istinad və yazının linkinin göstərilməsi zəruridir
Hazırladı - "QURDQANLI" DSGN

en son xeberler

Fevral 2025
BE ÇA Ç CA C Ş B
 12
3456789
10111213141516
17181920212223
2425262728