İlin sonuna əfv ola bilərmi? -Açıqlama

İlin sonu yaxınlaşdıqca ölkə başçısı tərəfindən növbəti əfv sərəncamının imzalanacağı gözləntiləri artır.

Bu ilin sonuna əfvin olub-olmamasını dəqiqləşdirmək üçün Əfv Komissiyasının üzvü Əliməmməd Nuriyevdən münasibət öyrəndik. Komissiya üzvü bildirdi ki, qabaqcadan nəsə söyləmək yalnışlıq olardı, amma əvvəlki illərə baxsaq, bu ilin sonuna əfv sərəncamının verilməsi ehtimalları var:

“Əvvəlki illərə baxdıqda, 31 dekabr yeni il münasibəti ilə əlaqədar cənab prezident tərəfindən əfv sərəncamları imzalanıb. Ona görə, insanlarda belə bir düşüncə hakim kəsilməkdədir ki, yenə ilin sonu yaxınlaşır və növbəti əfv sərəncamı ola bilər. Əlbəttə ki, son illərin təcrübəsinə baxsaq, görərik ki, prezident tərəfindən əfv sərəncamları mütəmadi olaraq imzalanmışdır. Mən istisna etmirəm ki, bu il də ola bilər. Amma bilirsiniz ki, əfv etmək prezident səlahiyyətlərindən biridir. Əfv nə zaman baş verməsi birbaşa prezidentin iradəsi ilə bağlıdır. Ona görə də, öncədən əfvin olacağını söyləmək yalnış olardı”.

Əlimməmməd Nuriyev qeyd etdi ki, kimlərin əfv olunub, olunmayacağını yalnız prezident qərar verir:

“Əfv siyahısına isə kimlər aid edilə bilər, bu yenə də prezidentin səlahiyyətində olan bir məsələdir.  Əfv komissiyası daxil olan müraciətlərlə bağlı rəylər hazırlayır. Ancaq rəyin qəbul edilib-edilməməsi prezident səlahiyyətinə aid olduğu üçün sona qədər heç kəs öncədən deyə bilməz ki, əfv olunacaq, ya yox, və yaxud da kimlərsə əfv olunacaq”.(Modern.az)

Short URL: http://www.cumhuriyyet.net/?p=82783