Günay İbrahimli yol polisinə meydan oxudu – Sükanı buraxıb selfi çəkdirdi – VİDEO

13.12.2016 - 13:57
Müğənni avtomobil idarə edərkən yola baxmır və selfi üçün poza verir

Müğənni Günay İbrahimli yol hərəkəti qaydalarını kobud şəkildə pozaraq cəmiyyətə pis nümunə olan məhşurların sırasına keçib. Bunu təsdiq edən edən videonu müğənni öz İnstagram səhifəsində paylaşıb. Rəfiqəsi tərəfindən çəkilən videonu Günay özü sosial şəbəkədə yayıb və hətta bununla fəxr edirmiş kimi, on minlərlə selfi çəkib, yalnız birini seçdiyini qeyd edib.

Videodan da göründüyü kimi, Günay İbrahimli sükan arxasında mobil telefon əldə saxlamaqla ondan istifadə edir, selfi çəkdirir və diqqəti sükanda yox, çəkdiyi şəkillərdədir. Bununla o, 50 manatlıq qayda pozur. Bundan əlavə, xanım müğənni avtomobili idarə edərkən əllərini sükandan çəkir. Bu isə 40 manat cərimə deməkdir. Üstəlik, Günay İbrahimli sükan arxasında təhlükəsizlik kəmərini bağlamayıb. Bu da 40 manatlıq cərimədir. Və nəhayət, Günay İbrahimli sükan arxasında diqqəti yayındıran söhbətə qoşulub. Yəni, onun diqqəti yolda və sükanda yox, rəfiqəsində və çəkdiyi fotolardadır. Bu da 40 manatlıq qayda pozuntusu sayılır. Bütövlükdə, Günay İbrahimli bu videoda 170 manatlıq qayda pozuntusuna yol verib.

Qeyd edək ki, videoya şərh yazanların əksəriyyəti Günayın bu hərəkətinin təhlükəli olduğunu qeyd ediblər. Həmin videonu təqdim edirik:

///Avtosfer.az

Short URL: http://www.cumhuriyyet.net/?p=84270

XƏBƏR LENTİ

virtual_roadi

30.08.2024Uğurun memarı
Рейтинг@Mail.ru

Telefon:077 333 90 09
E-mail:cumhuriyyetqezeti@gmail.com;
Sayt "Yeni Cumhuriyyət" qəzetinin rəsmi internet saytıdır.
Saytın yazılarından istifadə olunan zaman istinad və yazının linkinin göstərilməsi zəruridir
Hazırladı - "QURDQANLI" DSGN

en son xeberler

Fevral 2025
BE ÇA Ç CA C Ş B
 12
3456789
10111213141516
17181920212223
2425262728