Bakının daha iki parkında pulsuz internet olacaq

Yaxın zamanda Hüseyn Cavid və Dədə Qorqud parkları da pulsuz wifi xidmətinin əhatə zonasına daxil ediləcək. Bu barədə virtualaz.org-a Nəqliyyat, Rabitə və Yüksək Texnologiyalar Nazirliyinin mətbuat xidmətindən məlumat verilib.

Hazırda “İctimai İnternet” şəbəkəsi Dövlət Bayrağı Meydanı da daxil omaqla Dənizkənarı Milli Park, “İçərişəhər” Dövlət Tarix-Memarlıq Qoruğu ərazisi, Heydər Əliyev Mərkəzinin parkı, Sahil, Sabir, Xaqani, Axundov bağlarında, Qış və Zabitlər parkında aktiv edilib.

Qeyd edək ki, İctimai İnternet” layihəsi NRYTN-in təşəbbüsü ilə Bakı Telefon Rabitəsi MMC (“Baktelecom”) tərəfindən mart ayından etibarən həyata keçirilir və pulsuz WiFi xidmətindən istifadə edənlərin sayı yarım milyonu (500.000) ötüb.

Short URL: http://www.cumhuriyyet.net/?p=98063