İranda qəzaya uğramış Türkiyə təyyarəsində olan sərnişinlərin yanmış meyitləri tapılıb
Xilasedicilər Türkiyənin İranda qəzaya uğramış “Bombardier Challenger 600” təyyarəsinin göyərtəsində olan 3 heyət üzvü və 8 sərşinin yanmış meyitini aşkar ediblər.
“Report” xəbər verir ki, bu barədə ölkənin Fövqəladə Hallar İdarəsi məlumat yayıb.
Mütəxəssislərin sözlərinə görə, tapılmış qalıqların tanınması üçün DNK analizinə ehtiyac var.
Axtarış-xilasetmə əməliyyatlarına ümumilikdə bir neçə xüsusi briqada, həmçinin alpinist və yanğınsöndürənlər cəlb olunub. Təyyarənin qalıqları dəniz səviyyəsindən təqribən 400-500 metr yüksəklikdə, əməli olaraq uçurumun kənarında aşkar olunub.
“Hadisə yerində yanğın hələ də, davam edir və mütəxəssislər qeyd edirlər ki, ərazi şəraitinə görə yanğının yayılması təhlükəsi var”, – deyə TASS “Fars”a istinadən xəbər verir.
Short URL: http://www.cumhuriyyet.net/?p=115180
