Sergey Skripalın qızı xəstəxanadan çıxıb
Martın 4-də Böyük Britaniyanın Solsberi şəhərində atası ilə birlikdə huşsuz vəziyyətdə tapılaraq xəstəxanaya aparılan Yuliya Skripal xəstəxanadan buraxılıb.
APA-nın “Reuters”ə istinadən verdiyi xəbərə görə, bunu xəstəxananın tibb müdiri Kristin Blanshard deyib. O bildirib ki, Skripal və qızı müalicəyə son dərəcə yaxşı reaksiya veriblər: “Ancaq xəstələrin hər ikisində bərpa fərqli mərhələdə gedir. Sergey Skripal Yuliya ilə müqayisədə daha yavaş bərpa olur, ancaq biz ümid edirik ki, o da xəstəxanadan çıxa bilər. Onun da vəziyyətində inkişaf var və artıq kritik mərhələdə deyil”.
Qeyd edək ki, Skripalların zəhərlənməsi hadisəsi beynəlxalq miqyasda geniş əks-səda doğurub və Rusiya ilə Qərb arasında yeni diplomatik böhrana səbəb olub.
Short URL: http://www.cumhuriyyet.net/?p=117190
