“Belarus əhalisi bu qədər puldan boğula bilərdi”

Belarus prezidenti Aleksandr Lukaşenko rusiyalı jurnalistlərin iştirakilə mətbuat konfransı keçirib.
“AzPolitika” xəbər verir ki, Rusiya ilə əlaqələrin əhəmiyyətindən danışan Lukaşenko jurnalistləri rəsmi Moskvanın Belarusa dəstəyini şişirtməməyə çağırıb.

Prezident Rusiya KİV-lərinin guya Rusiyanın Belarusu “yedirtməsi” ilə bağlı yaydıqları fikirlərlə razılaşmadığını deyib: “Bəziləri hesablayıblar ki, guya müstəqilliyi dövründə Rusiya Belarusa 100 milyard dollar verib. Mən bunları oxuyanda düşünürəm ki, əgər doğrudan da 100 milyard verilibsə, onda Belarus əhalisi bu qədər pul əskinasından boğula bilərdi. Tamamilə cəfəngiyyatdır…”

Əvəzində Belarus prezidenti etiraf edib ki, Rusiya ayırdığı kreditlərlə Belarusa dəstək verir. Lakin bu kreditlərin faiz dərəcəsi Beynəlxalq Valyuta Fondunun təklif etdiyi faizlərdən xeyli yüksəkdir.

Lukaşenkonun sözlərinə görə, Moskvanın ən böyük dəstəyi Belarusa aid təsərrüfat subyektlərinə və ölkə vətəndaşlarına Rusiya vətəndaşları ilə bərabər şəraitin yaradılması olardı.

Short URL: http://www.cumhuriyyet.net/?p=125555